Пәрһат һошур қирғизистан дөләтлик һөрмәт мукапатиға еришти

Ихтиярий мухбиримиз азад қасим
2016-01-27
Share
perhad-hoshur-doletlik-hormet-mukapati.jpg Қирғизистан президенти алмасбек атамбайив(сода) уйғур йигити пәрһат һошурға дөләтлик һөрмәт мукапати тәқдим қилди. 2016-Йил 23-январ, бишкәк.
RFA/Azad Qasim

23-январ күни қирғизистанниң 2015-йиллиқ хизмәтләрни хуласиләш мурасими өткүзүлүп, өткән бир йил давамида һәрқайси саһәләрдә көрүнәрлик нәтиҗә яратқан шәхсләр қирғизистан президенти алмасбек атамбайиф тәрипидин һәр хил мукапатлар билән мукапатланди.

Қирғизистан челишчилар командисиниң баш мәшқавули, бишкәктики "бүркүт" тәнтәрбийә кулубиниң йетәкчиси, уйғур йигити пәрһат һошур өзиниң қирғизистанниң тәнтәрбийә саһәсидә қолға кәлтүргән көрүнәрлик нәтиҗилири билән қирғизистанниң дөләтлик һөрмәт мукапатиға еришти.

Пәрһат һошур он нәччә йилдин буян бишкәктики "бүркүт" тәнтәрбийә кулубиниң йетәкчиси болуп келиватиду. Униң қаттиқ тәләпчанлиқ билән тәрбийәлиши нәтиҗисидә, хәлқаралиқ мусабиқиләрдә асия чемпийонлуқиға еришкән көплигән маһирлар йетишип чиққан.

Пәрһат йетәклигән қирғизистан челишчилар командиси 2012-йили тайландта, 2014-йили моңғулийәдә, 2015-йили иранда өткүзүлгән хәлқаралиқ мусабиқиләрдә яхши нәтиҗиләргә еришип, қирғизистан тәнтәрбийә саһәсиниң хәлқаралиқ сәһниләрдә тонулушиға зор һәссә қошқан.

Пәрһат һошур әпәнди дөләтлик мукапатқа еришкәндин кейин, радиомиз зияритини қобул қилип, өзиниң тәнтәрбийә һәрикитигә болған қизиқиши һәмдә мукапатланғандин кейинки тәсиратлири һәққидә тохтилип, мундақ деди: "мән балилиқ дәвримдин башлапла тәнтәрбийиниң челишиш түригә иштияқ бағлиған. яш чағлиримда вә кейинчә совет армийисидә вәзипә өтәп йүргән вақитларда өзүмниң тиришчанлиқи билән совет иттипақиниң тәнтәрбийә маһири болуп баһаланған. Қирғизистан мустәқил болғандин кейин, достум сидиқҗан билән бирликтә ‹бүркүт' тәнтәрбийә кулубини қуруп яшларни тәрбийиләп келиватимиз. Биз нөвәттә қирғизистанлиқ маһирларниң олимпик мусабиқилиридә яхши нәтиҗиләрни қолға кәлтүрүши үчүн тиришиватимиз."

"бүркүт" тәнтәрбийә кулубиниң қурғучиси сидиқҗан әпәнди әң йеқин дости пәрһат һошурниң дөләтлик мукапатқа еришкәнликидин сөйүнгәнликини билдүрүп мундақ деди: "пәрһатниң дөләтлик мукапатқа еришкәнлики биз үчүн зор хушаллиқ болди. У нәччә йиллардин буян өзиниң тиришчанлиқи билән көплигән маһирларни тәрбийиләп йетиштүрди. Биз һазир, бу йил биразилийәдә өткүзүлидиған хәлқаралиқ олимпик мусабиқисигә тәйярлиқ қиливатимиз."

Пәрһат һошур йетәклигән қирғизистан челишчилар командиси нөвәттә бу йил февралда тайландта, апрелда түркийәдә өткүзүлидиған хәлқаралиқ челишиш мусабиқисиниң гирик-рим түри бойичә таллаш мусабиқисидә яхши нәтиҗиләрни қолға кәлтүрүш үчүн җиддий мәшиқ қилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт