Ressam merwayit xanim yéqinqi ijadiyiti we ijadiyet témiliri heqqide toxtaldi

Muxbirimiz méhriban
2015-01-30
Share
merwayit-hapiz-germaniye-hubman-305.png Merwayit hapiz xanimning süret körgezmisidin bir körünüsh
Photo: RFA


Yawropada tonulghan Uyghur ressam merwayit xanimning bultur 30 - noyabir gérmaniyening myunxén shehiride bashlan'ghan xelq'araliq resim körgezmisi 27 - yanwar ayaghlashti. Ressam merwayit xanim radiyomiz muxbirining ziyaritini qobul qilip, bu qétimqi körgezmining muweppeqiyiti, özining yéqinqi yillardiki ijadiyet netijiliri we bundin kéyinki ijadiy yönülüshi heqqide toxtaldi.

Gérmaniyining myunxin shehiride ikki aydin artuq dawamlashqan resim körgezmisidin kéyin, merwayit xanim ziyaritimizni qobul qilip, bu qétimqi resim körgezmisining emeliy ehwalini we körgezmidin kéyinki hayajanliq keypiyatini ipadilidi.

Merwayit xanimning bildürüshiche, 2014 - yili merwayit xanim türkiyining enqere, istanbul sheherliri we gérmaniyide birqanche qétim resim körgezmisi uyushturghan. Merwayit xanimning körgezmige qoyulghan resimliri yéqinqi 5 yil ichide yawropada tonulghan ressamlarning tallan'ghan resimliri qatarida istanbulda körgezme qilin'ghan.

Merwayit xanimning bu qétimqi resim körgezmisini gérmaniye döletlik psixologiye akadémiyisi uyushturghan. Merwayit xanim 70 parchidin artuq resim qoyulghan körgezmisige "Yipek yolidiki karwan" dep nam qoyghanliqini bildürüp, özining yéqinqi yillardiki ijadiyiti asasliqi en'eniwi Uyghur medeniyitige béghishlan'ghanliqini bildürdi.

Merwayit xanim yene, özining bundin kéyinki ijadiyet témisining yenila "Yipek yoli" medeniyiti we Uyghurlarning en'eniwi hayati eks etken témilargha béghishlinidighanliqini bildürüp, bu jehette weten ichi we sirtidiki yash ressamlar bilen dawamliq pikir almashturup turuwatqanliqini, resim heweskarlirini terbiyilesh jehettimu tirishchanliq körsitiwatqanliqini bildürdi.

Yuqiriqi awaz ulinishidin muxbirimiz méhribanning merwayit xanim bilen ötküzgen söhbitining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet