Uyghur qoshunining meshqawuli - “Saqalliq général” ribalko (2 - )

20 - Esirning 30 - yillirida sowét ittipaqi Uyghur diyarigha ewetken herbiy - siyasiy xadimlirining bir qisimi kéyinki waqitlarda sowét ittipaqining meshhur herbiy, siyasiy we diplomatiye rehberlirige aylan'ghan idi. Ene shularning biri 1934 - 1935 - yilliri qeshqerdiki maxmut muhiti qomandanliqidiki Uyghur qoshunigha meslihetchilik qilghan, 1941 - 1945 - yilliri arisida sowét ittipaqining tanka - broniwik qisimlirining qomandani bolup, marshalliq unwanigha sazawer bolghan pawél ribalkodur.

Bu shexsning murekkep hayati heqqide köpligen yéngi melumatlar élan qilinmaqta. Uning eslide sowét armiyesining razwétka xadimi ikenliki, uning qeshqerdiki Uyghur diwiziyesini nazaret qilish we uchur toplash jehette körsetken xizmiti üchün herbiy unwani öskenliki, axirida mayordin marshalliq derijisige yetkenliki bayan qilinidu.

1934 - 1935 - Yilliri arisida Uyghurlar teripidin “Saqalliq général” dep atalghan ribalkoning qeshqerdiki pa'aliyetliri Uyghur qoshunini nazaret qilish, sowét ittipaqining düshmenlirige a'it uchur toplash we bashqilar idi. U, qeshqerdin qaytqandin kéyin, 1937 - yili, polshagha, 1940 - yili xitaygha herbiy meslihetchilik salahiyiti bilen ewetilgen. U moskwaning gomindang armiyesidiki meslihetchi - wekili süpitide uning yapon'gha qarshi urushigha yardem körsetken.

Sowét - gérman urushi partlighanda tanka qisimlirigha qomandanliq qilip, köpligen sheherlerni azad qilghan,eng axirida bérlinni ishghal qilishta töhpe körsetkendin kéyin marshalliq unwani bérilgen, emma, u 1948 - yili, tuyuqsiz késel bolup doxturxanida hayatidin ayrilghan. Bir qisim rus tarixchiliri uning ölümining sirliq tüs alghanliqini yézishmaqta.

Diqqitinglar muxbirimiz ümidwarning bu heqtiki melumatlirida bolsun