Руслар 1944 - 1949 - йиллардики инқилабта уйғур қатарлиқ хәлқләр билән бир сәптә турди

Мухбиримиз үмидвар
2013-05-22
Share
milliy-armiyechekinish-305.jpg Мунтизим миллий армийә.
RFA

Бүгүнки күндә әйни вақиттики миллий инқилаб тарихи һәққидә түрлүк көз қарашлар мәвҗут. Буларниң бири совет иттипақиниң бу инқилабқа зади қанчилик тәсир көрсәткәнлики мәсилиси, йәнә бири ғулҗа қатарлиқ җайлардики әйни вақитта болшевиклардин қорқуп қечип кәлгән русларниң бу инқилабқа қатнишиш мәсилисидур.

Уйғур елидики руслардин тәшкилләнгән қошун 20 - әсирниң биринчи йеримида йүз бәргән икки қетимлиқ қозғилаңниң биринчи қетимлиқида җин шурен вә шең шисәй үчүн хизмәт қилип, йәрлик хәлқниң қозғилиңини бастурушқа ярдәмләшкән болса, 1944 - 1949 - йиллири уйғур қатарлиқ йәрлик хәлқләр билән бир сәптә туруп, миллий азадлиқ инқилабиға актип қатнишип, муһим төһпә қошти.

Или, чөчәк қатарлиқ җайлардики рус аһалилири миллий армийигә актип қатнашқан болуп, улар арисидин коп санда юқири дәриҗилик комадирлар йетишип чиққан иди.

87 яшлиқ сабиқ миллий армийә офитсери батур әршидинофниң ейтишичә, совет иттипақи дәсләптә миллий армийигә көплигән советлик рус, қазақ, өзбек, уйғур вә башқиларни ярдәмгә әвәткән болуп, улар асасән визвоттин юқири дәриҗилик офитсер болуп, әскәрләргә қоманданлиқ қилған. Улардин башқа йәнә 1918 - 1921 - йиллири арисида уйғур елиға қечип келип йәрликләшкән көплигән руслар һәрбий сәпкә қатнашқан иди. Улар мол һәрбий тәҗрибә игә болғачқа,улар арисидин көплигән командирлар йетишип чиқти. Мәсилән, баш қомандан паленоф, шитаб башлиқи мажароф, полковниклардин лескин, могутнов вә башқилар.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт