Senuber tursun los anjélista Uyghur xelq naxshilirini yangratti

Muxbirimiz gülchéhre
2016.08.09
senuber-tursun-los-angelis-naxsha.jpg Los anjélis shehiridiki “Senuber tursun naxsha kéchiliki”
RFA

Yéqinda amérikining los anjélis shehiridiki eng chong medeniyet we sen'et oyunlirini teshkillesh merkizi grand performance tarqatqan élanda 7 - awghust los anjélis sheher merkizidiki kaliforniye plaza dep atilidighan medeniyet meydanida “Senuber tursun naxsha kéchiliki” ötküzülidighanliqi heqqide uchur bérilgen idi. Bügün amérikining los anjélis shehiride turuwatqan, tonushluq Uyghur alimliridin optika inzhénéri doktor erkin sidiq ependi radiyomizgha uchur bérip, tünügün kech Uyghur xelqining tonulghan suyumluk naxshichisi'i, Uyghur xelqining kuy xanishi senuber tursun qatarliq Uyghur sen'etkarlarning bu oyunini özining a'ilisini qoshqanda 70ke yéqin Uyghurlarning körgenlikini, shuningdek bu oyun intayin hayajanliq we muweppeqiyetlik ötkenlikini, sen'etkarlarning muqam we Uyghur xelq naxsha, muzikilirini wayigha yetküzüp orundap, pütün meydandiki tamashibinlarni hayajan'gha salghanliqini bildürdi we bu xildiki sen'et kéchiliklirining Uyghur medeniyet sen'itini amérikiliqlargha tonushturushta intayin muhim rol oynaydu dep qaraydighanliqini éytti.

Tunji qétimliq bu kéchilikte senuber tursun'gha sazendilerdin tembürchi mijit yunus ependi, ghéjekchi adil abliz ependi we firansiyidiki ussulchi muqeddes mijitler hemkarlashqan. Senuber tursun we bashqa muzikantlaning bu bir heptilik amérika sepiri los anjélistiki türlük medeniyet almashturush pa'aliyetliri we her küni naxsha kéchiliki üchün japaliq meshiq qilish bilen ötken. Igilishimizge qarighanda, gerche bu kéchilik hökümetsiz teshkilatlar teripidin uyushturulghan medeniyet almashturush pa'aliyiti bolsimu, emma amérikidiki Uyghur jama'etchiliki bu suyumluk sen'etkarliri bilen bir dem mungdishish, hetta xatire süretke chüshüsh pursitigimu ige bolalmighanliqidin epsuslan'ghan, bögün senuber tursun qatarliqlardin teshkillen'gen bu ömek Uyghur éligha qaytqan.

Buningdin 15 yil burun, senuber tursi'unning akisi, tembür shahi merhum nurmuhemmet tursun amérika simissoniyen muzéyi teripidin - 2002 yili paytext washin'gitonda ötküzülgen “Xelq'ara yipek yoli sen'et féstiwali”gha teklip qilin'ghan bolsimu, emma xitay hökümiti uning amérikigha kélip konsértqa qatnishishigha ruxset qilmighan idi.

Senuber tursun bundin ilgiri türkiye, london qatarliq jaylardimu naxsha kéchiliklirini ötküzüp qizghin alqishqa érishken idi.

Anglighuchilirimiz bilen mezkur xush xewerdin ortaqlishish üchün doktor erkin sidiq ependini ziyaret qilduq,

Muxbirimiz gülchéhre bilen erkin ependining söhbitidin behrlen'geysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.