Séyit nadir ependi: abdulla timen bizge "Bowanglarning intiqamini élinglar" dep telim bergen

Muxbirimiz shöhret hoshur
2015-08-31
Share
seyit-abdullaxan-abla-tumen-bilen-bille-teywen-taiwan.jpg Séyit nadir ependining dadisi séyit abdullaxan(solda) meshhur siyasiy shexs, sabiq gomindang qanun palata ezasi abdulla timen bilen bille.
RFA

Iyordaniyelik Uyghur sodiger séyit nadir ependi muxbirimiz bilen söhbitining bügünki qismida, teywendiki 3 yilliq oqush hayati heqqide toxtaldi.

Uning déyishiche, mektepning nami junggoluq muhajirlar ottura mektipi, emma mektepte ötülidighan ders we meshghulatlar herbiy telimatqa a'it. Séyit nadir ependining eslishiche, teywendiki meshhur Uyghur siyasiy erbabliridin abdulla timen, mezkur mekteptiki Uyghur oqughuchilarni ziyaret qilghan chéghida mektepte yaxshi oqup pursiti kelgende yurtigha qaytishqa we ata-bowilirining qisasini élishqa dewet qilghan.

Muxbirimiz bu programmisining dawamida abdulla timen qatarliq kishilerning siyasiy kimliki heqqide doktor qahar barat ependining qarashlirini soridi. Qahar barat ependi, gomindangning terkibidimu qimmetlik Uyghur ziyaliyliri we siyasiy erbablirining bolghanliqini, ularning hayati heqqide izdinish we tetqiqatning zörürlükini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet