Қазақистанда атақлиқ язғучи вә драматорг шайим шавайеф әсләнди
2013.05.01
Йеқинда алмута вилайити уйғур наһийисиниң түгмән йезисида көрнәклик язғучи вә драматорг шайим шавайефниң 75 йиллиқ тәвәллудиға беғишланған хатирә йиғини өтти.
Йәрлик һөкүмәт органлири вә түгмән юрт - җамаәтчилики уюштурған мәзкур мурасимға наһийә рәһбәрлири, зиялийлар, устазлар, мәктәп оқуғучилири, қошна юртлардин меһманлар, аммиви ахбарат васитилири вәкиллири қатнашти. язғучиниң иҗадийити тоғрилиқ доклат оқулғандин кейин сөзгә чиққан қазақистан язғучилар иттипақи башқармиси катипи султан қали оғли, тәрҗиман қайсар җорабекоф, қазақистан язғучилар иттипақи уйғур әдәбияти кеңиши башлиқи әхмәтҗан һашироф, шундақла язғучи вә шаирлардин авут мәсимоф, илахун җәлилоф вә башқилар ш. Шавайефниң иҗадий паалийитигә мунасип баһалирини бәрди.
Хатирә мурасимида язғучиниң иҗадийити бойичә видео материяллар вә көргәзмә уюштурулди. Мәктәп оқуғучилири тәрипидин тәйярланған консерт программиси көрситилди.
Радиомиз зияритини қобул қилған ә. Һашироф вә и. Җәлилофлар мәзкур хатирә мурасими вә ш. Шавайефниң иҗадийити һәққидә тохталди.
Көп көрүлгән хәвәрләр
RFA
- Үрүмчидики мәшһур бина—“рабийә қадир сода сарийи” ниң чеқиветилгәнлики дәлилләнди
- Канада һөкүмитиниң он миң уйғурни орунлаштурушиниң тунҗи қәдими мувәппәқийәтлик бесилди
- “уйғур сәнәт көргәзмиси” гә яндашқан уйғур қирғинчилиқи муһакимә йиғини башланди
- Ришат аббас америка дөләт мәҗлисидә уйғур тили, мәдәнийити вә хатирисини қоғдашқа техиму көп иқтисад аҗритишқа чақирди
- Нури түркәл: “американиң анамни әкелишини уйғурларға көрситиватқан ғәмхорлуқиниң ипадиси, дәп қараймән”