Shiwétsiyediki Uyghurlar noruz bayrimini birlikte tebriklidi

Ixtiyariy muxbirimiz éhsan
2017-03-27
Élxet
Pikir
Share
Print
Shiwétsiyediki Uyghurlar noruz bayrimini birlikte tebriklidi. 2017-Yili 26-mart.
Shiwétsiyediki Uyghurlar noruz bayrimini birlikte tebriklidi. 2017-Yili 26-mart.
RFA/Éhsan

Shiwétsiyediki Uyghurlar shiwétsiyede pa'aliyet qiliwatqan Uyghur komitétining orunlashturushi bilen, 26-mart küni sitokholmning ténista rayonidiki kutupxana pa'aliyet zalida birlikte noruzni tebriklidi.

Pa'aliyetke shiwétsiyediki Uyghur komitétining teklipi bilen türkiye, qazaqistan, gérmaniye, gollandiye, norwégiye qatarliq döletlerdin ziyaret üchün kelgen dunya Uyghur qurultiyining shu yerde turushluq mu'awin re'is we teshkilat bashliqliri hemde shiwétsiyediki Uyghurlardin bolup 200 din artuq kishi qatnashti.

Pa'aliyet aldi bilen Uyghur komitétining re'isi abdushükür samsaqning tebrik sözi bilen bashlandi, bashqa döletlerdin kelgen méhmanlarmu ayrim tebrik sözi sözlidi we özliri turushluq döletlerdiki Uyghurlarning salimini yetküzdi.
Noruz pa'aliyiti nahayiti jushqun keypiyat ichide ötti, ösmürler rawan Uyghur tilida abduxaliq Uyghurning "Oyghan" namliq shé'irini, abduréhim ötkürning "Iz" namliq shé'irini déklamatsiye qildi.

Noruz pa'aliyitige kelgen méhmanlardin, kunduz'ay xanim élip kelgen "Noruz keldi" dégen shé'ir köpchilikning alqishigha érishti.

Norwégiyede turushluq awaz artistlirimizdin sirajidin fetqulla ependi teripidin jarangliq oqulghan noruz qoshiqi méhmanlarni hayajan'gha saldi.

Pa'aliyet axirida biz, pa'aliyetke qazaqistandin kélip qatnashqan, dunya Uyghur qurultiyining mu'awin re'isi qehriman ghojamberdini ziyaret qilduq. Ziyaritimizni qobul qilghan qehriman ghojamberdi ependi özining bügünki noruz pa'aliyiti heqqidiki tesiratini bayan qildi.

Bügünki noruz pa'aliyitini uyushturghan Uyghur komitétining re'isi abdushükür samsaq pa'aliyetning yaxshi ötkenlikini bayan qildi.

Toluq bet