Istanbulda "Sotuq bughraxan" kitabxanisi échildi

Ixtiyariy muxbirimiz arslan
2016-06-10
Élxet
Pikir
Share
Print
Istanbulning zeytinburnu rayonida échilghan "Sutuq bughraxan" kitabxanisi
Istanbulning zeytinburnu rayonida échilghan "Sutuq bughraxan" kitabxanisi
RFA/Arslan

Istanbulning Uyghurlar köplep olturaqlashqan rayonliridin zeytinburnuda "Sutuq bughraxan" namda bir kitabxana échildi.

Kitabxanida hazir Uyghurche roman kitablar, diniy kitablardin 10 tomluq "Hedisler toplimi" we besh tomluq, "Sehih hedisler" toplimi shuninggha oxshash her xil diniy we islam tarixigha a'it kitablar tépilidu. Uningdin bashqa yene kitabxanida chet'ellerde Uyghur tilida her xil témilarda neshr qilin'ghan kitablar, bolupmu teklimakan Uyghur neshriyati teripidin neshr qilin'ghan 120 türdin artuq Uyghurche kitablar tépilishtin sirt, Uyghur ilida neshr qilin'ghan bir qisim tarixi romanlar we shé'irlar toplimi qatarliq kitablarnimu uchratqili bolidu.

Biz bu kitabxana toghrisida toluq melumatqa ige bolush üchün sutuq bughraxan kitabxanisining mes'uli muminjan bilen söhbet élip barduq.

Muminjanning bildürüshiche, bu kitabxanida Uyghurlargha alaqidar her xil témilardiki kitablar tépilidiken. Uningdin bashqa yene sutuq bughraxan kitabxanida oqush qoralliri, oqughuchilar éhtiyajliq bolidighan depter - qelem shuninggha oxshash her türlük oqush buyumliri sétilidiken.

Bu kitabxanining échilish munasiwiti bilen 13 - iyun künidin, 5 - iyul künigiche 1 - nöwetlik sutuq bughraxan kitab yermenkisi échilidiken.

Biz sutuq bughraxan kitabxanisini ziyaret qilduq, sutuq bughraxan kitabxanisi ochuq bolup, her xil kitablar tizilghan iken. Kitabxanida kitab sétilishtin sirt yene, Uyghurlarning medeniyet we örp - adetlirige alaqidar türlük Uyghur doppiliri, kanwa we etles könglekler, "Sherqiy türkistan xeritisi" chüshürülgen shepke, könglek we chapanlar, alahide ishlen'gen sherqiy türkistan bayraqliri, depter - qelem we kök bayraqliq achqu asqular bolup her xil milliy medeniyetke alaqidar buyumlarni uchrattuq.

Biz heqte téximu köp melumatqa ige bolush üchün sutuq bughraxan kitabxana mes'ulliridin muhemmed tursun Uyghur ependi bilen söhbet élip barduq.

Memettursun Uyghur ependi, sutuq bughraxan kitabxanisining Uyghurlarni her türlük kitablar bilen teminlesh bilen birge, milliy medeniyetke alaqidar her xil buyumlar, oqughuchilarning éhtiyajliq oqush matériyalliri tépilidighanliqini bildürdi we sutuq bughraxan kitabxanisini meniwi medeniyet merkizi qilishqa tirishidighanliqini ipadilidi.

Toluq bet