Sultan jamal: tashkentlik Uyghur yazghuchilarning oqurmenliri asasen qazaqistanda

Ixtiyariy muxbirimiz oyghan
2015.04.28
Share on WhatsApp
Share on WhatsApp
sultan-jamal.jpg Özbékistanliq Uyghur yazghuchi sultan jamal
RFA/Oyghan


Ötkenki esirning 20 - yilliridin kéyin ottura asiyada yashawatqan Uyghurlarning bir pütün edebiyati shekillinip, u 1917 - yili rusiyede yüz bergen öktebir hakimiyet burulushidin kéyin Uyghur sowét edebiyati dep ataldi. U asasiy jehettin qazaqistan, özbékistan we qirghizistan jumhuriyetliride tereqqiy etti.

90 - Yillarning bashlirighiche, yeni sowét ittipaqi yimirilghan'gha qeder Uyghur yazghuchilirining ijadiyiti idiye, mezmun we shekil jehettin bir - biridin anche perqlenmidi hem ular arisidiki ijadiy alaqilermu qoyuq boldi. Peqet musteqilliqqe érishkendin kéyin mezkur jumhuriyetlerde yashawatqan Uyghur edipliri arisidiki munasiwetler bara - bara suslishishqa bashlidi. Bu, birinchi nöwette, döletler arisidiki siyasiy weziyetke baghliq boldi. Amma shuninggha qarimay, xelqining ötmüsh tarixini, uning paji'elik teqdirini, hazirqi hayatini teswirlesh en'enisi ottura asiya Uyghur yazghuchilirini biriktürdi. Buningdin tashqiri iqtisadiy qiyinchiliqlar, Uyghur tilida kitab neshr qilish we tarqitish mesiliside yazghuchilar qoshna memliketlerdiki qérindashlirining, qelemdashlirining qollap - quwwetlishige muhtaj bolmaqta.

Ene shularning biri, peqet özbékistandila emes, belki pütkül ottura asiya Uyghurliri arisida tonulghan yazghuchilarning biri sultan jamaldur.

U radiyomiz ziyaritini qobul qilip, öz ijadiyitining asasiy yönilishliri we özbékistanliq Uyghur yazghuchilirining bügünki ehwali heqqide toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.