8 Yashliq müjahit qeshqerli türk dunyasi bilim olimpik musabiqisige qatnashti

Ixtiyariy muxbirimiz erkin tarim
2015-12-25
Share

24-Dékabir türkiye eskisheherde ötküzülgen "2-Nöwetlik türk dunyasi bilim olimpik musabiqisi" ge 8 yashliq müjahit qeshqerli Uyghur ösmürlerge wakaliten qatnashqan. U mezkur musabiqige özining "Exlettin paydilinish pilani" namliq ijadiyitini élip barghan bolup, türkiye ma'arip ministiri proféssor nebi awji ependi alahide kélip uni ziyaret qilghan.

12 Dölettin 40 ish pilani qatnashqan mezkur olimpik musabiqisining échilish nutqini türkiye milliy ma'arip ministiri proféssor doktor nebi awji ependi qildi.

Eskisheher atatürk tenterbiye zalida ötküzülgen murasimda söz qilghan nebi awji ependi, 2-nöwetlik olimpik musabiqisige qatnashqan oqutquchi, oqughuchilarni tebriklep mundaq dédi: "Bu pa'aliyetke ottura asiya türkiy jumhuriyetliri we dunyaning herqaysi jayliridiki türkiy milletlerdin yash-ösmürler qatnishiwatidu, bu sahibxaniliq alahide ehmiyetke ige. Chünki türkiye tarixta ötken farabi, ibn sina, aliy qushchu, xarezimi qatarliq alimlarning miraschi'isi. Yéqinda nobél mukapatigha érishken aliy sanjargha oxshash kishilermu dölitimizde yétishken. Men türk dunyasidin shehirimizge kélip özlirining ijadlirini körgezme qiliwatqan yash-ösmürlerge muweppeqiyetler tileymen."

Arqidin eskisheher walisi günggör azmi ependi söz qildi. U, nutqida keshpiyat we layihilesh saheside jem'iy 257 kishining iltimas qilghanliqini, bularning ichidin dölet ichidin 60, dölet sirtidin 40 bolup jem'iy 100 kishining ijadini we layihisini tallighanliqini, bular ayrim-ayrim bölümlerde ijadlirini tonutuwatqanliqini éytti hemde bu ish pilanlirining ilim we téxnologiye üchün intayin muhim ikenlikini bayan qildi.

Biz mezkur pa'aliyet toghrisida téximu tepsiliy melumat igilesh üchün bu pa'aliyetke oghlini élip bérip, birlikte qatnashqan mirkamil qeshqerli ependi bilen söhbet élip barduq.

U, 2-nöwetlik türk dunyasi bilim olimpik musabiqisige oghli müjahit qeshqerlining "Exlettin paydilinish ish pilani" bilen qatnashqanliqini. Özlirining bölümini türkiye ma'arip ministiri proféssor nebi awji ependining alahide kélip ziyaret qilip, tebrikligenlikini éytti.

2-Nöwetlik türk dunyasi bilim olimpik musabiqisining échilish murasimigha köp sanda muxbirlarmu kelgen bolup, Uyghur bölümide ijadini tonutqan 8 yashliq müjahit qeshqerli ularning diqqitini tartqan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet