Türkiyede 12 - noyabir künini “Sherqiy türkistan küni” élan qilish üchün jama'et pikri toplanmaqta

Muxbirimiz erkin tarim
2015-10-30
Share
turkiye-sherqiy-turkistan-kuni-2015.jpg Sherqiy türkistan küni pa'aliyiti waraqchisi
RFA/Erkin Tarim

1933 - Yili qeshqerde élan qilin'ghan sherqiy türkistan islam jumhuriyiti bilen 1944 - yili 11 - ayning 12 - küni élida élan qilin'ghan sherqiy türkistan jumhuriyitining qurulghanliqini xatirilesh küni yéqinlishiwatqan bügünki künde, türkiyede 12 - noyabir künini “Sherqiy türkistan küni” élan qilish üchün jama'et pikri toplash pa'aliyiti bashlandi. http://buzulmedurde.net Tor bétining sahibi toluq ottura mektep oqutquchisi aytekin chetin ependi bilen qeyseride pa'aliyet élip bériwatqan sherqiy türkistan medeniyet we hemkarliq teshkilati ortaq bashlatqan ijtima'iy taratqular bilen jama'et pikri toplash pa'aliyiti 13 - öktebir küni bashlan'ghan bolup, 11 - ayning béshida bu heqte türkiye parlaméntigha iltimas sunulidiken. Mezkur pa'aliyetni bashlatqan aytekin chetin ependi bu heqte melumat bérip mundaq dédi: “Sherqiy türkistan mesilisi heqqide kün tertip peyda qilish, yilda birqanche kün resmiy pa'aliyetler élip bérish, mesilining kün tertipke kélishi üchün bundaq bir kün'ge éhtiyajimiz bar idi. Buning üchün 12 - noyabir küni yadimgha keldi. 12 - Noyabir küni sherqiy türkistan bayriqi lepildigen, sherqiy türkistan jumhuriyetliri qurulghan bir kün. Shuning üchün ehmiyetlik bir kün idi. Sherqiy türkistan dewasini türkiye jama'etchilikige we dünyagha téximu yaxshi anglitish üchün bu künning türkiye parlaménti teripidin resmiy kün élan qilinishi üchün iltimas sunush aldida, jama'et pikri toplash üchün ijtima'iy taratqular arqiliq bundaq bir pa'aliyetni bashlattuq.

Aytekin chetin ependi hazirghiche 10 ming etrapida kishining ijtima'iy taratqular arqiliq qollaydighanliqini ipadiligenlikini, 2 - noyabir küni bu heqte türk parlaméntigha iltimas sunidighanliqini bayan qilip mundaq dédi: “Bu pa'aliyetni 13 - öktebir küni yérim kéchide ijtima'iy taratqular arqiliq jama'et pikri toplash üchün bashlattuq. Hazirghiche tor arqiliq 10 ming imza yighildi. 11 - Ayning 2 - yaki 3 - künliri muxbirlarni kütiwélish yighini chaqirip, yighindin kéyinla 12 - noyabir künini “Sherqiy türkistan küni” élan qilish toghrisidiki iltimasimizni türkiye parlaméntigha sunimiz.

Buning ehmiyiti néme, bu teklip türkiye parlaménti teripidin qobul qilinarmu dégen'ge oxshash so'allargha jawab tépish üchün türkiye hajettepe üniwérsitéti tarix oqutquchisi doktor erkin ekrem bilen söhbet élip barduq.

U, ikki jumhuriyet toghrisida aydinglashturushqa tégishlik nurghun mesililer barliqini, bu heqte tarixchilargha chüshken wezipining zor ikenlikini éytti. U yene, eger türk ammiwiy teshkilatliri bilen sherqiy türkistan ammiwiy teshkilatliri ortaq 12 - noyabir künini “Sherqiy türkistan küni” élan qilish toghrisida iltimas sun'ghan teqdirde qobul qilinish éhtimalining yuqiri ikenlikini ilgiri sürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet