"Uyghur akadémiyesi yawropa tarmiqi" gérmaniyening myunxén shehiride resmiy quruldi

Ixtiyariy muxbirimiz erkin tarim
2018-11-14
Élxet
Pikir
Share
Print
Shwétsariyediki Uyghur ziyaliysi doktor abdushükür abduréshit köpchilikning awaz bérishi bilen Uyghur akadémiyesi yawropa tarmiqining re'islikige saylandi. 2018-Yili noyabir, myunxén.
Shwétsariyediki Uyghur ziyaliysi doktor abdushükür abduréshit köpchilikning awaz bérishi bilen Uyghur akadémiyesi yawropa tarmiqining re'islikige saylandi. 2018-Yili noyabir, myunxén.
RFA/Erkin Tarim

D u q sahibxaniliqida ötküzülgen "Sherqiy türkistan milliy kéngishi" axirlashqandin, myunxéndiki türkiye diyanet islam medeniyet merkizide Uyghur akadémiyesi yawropa tarmiqining qurulush murasimi ötküzüldi. Akadémiyening yawropa tarmiqida hey'et bolup wezipe almaqchi bolghan akadémiye ezaliri arisida élip bérilghan yoshurun awazliq saylamda, shwétsariyediki Uyghur ziyaliysi doktor abdushükür abduréshit köpchilikning awaz bérishi bilen Uyghur akadémiyesi yawropa tarmiqining re'islikige saylandi. Mezkur saylamda saylan'ghan re'is doktor abdushükür abduréshit nizamnamige asasen, neq meydanda özi bilen birge 18 kishilik qurghuchi da'imiy hey'etni tallap wezipige teyinlidi.

Uyghur akadémiyesi yawropa tarmiqining qurulushi murasimigha d u q sahibxaniliqida échilghan "Sherqiy türkistan milliy kéngishi" yighinigha ishtirak qilish üchün 23 dölettin kelgen 250 etrapida wekil we Uyghur akadémiyesining rehberliri qatnashti.

Arqidin Uyghur akadémiyesi ijra'iye komitéti mudiri ablimit qaraxan ependi yighinni "Sherqiy türkistanning istiqlal marshi"ni oqush bilen bashlaydighanliqini jakarlidi.

Kéyin ablimit qaraxan ependi échilish nutqini sözlesh üchün Uyghur akademiyesining re'isi proféssor doktor alimjan inayetni sehnige teklip qildi. Proféssor doktor alimjan inayet ependi Uyghur akadémiyesining ehmiyiti heqqide toxtaldi.

Yighinning kün tertipige bina'en doktor abdushükür abduréshit ependi, firansiyede turuwatqan Uyghur ziyaliysi doktor memtimin abbasni mu'awin re'islikke, shiwétsiyede turushluq Uyghur ziyaliysi zulhayat ötkür xanimni bash katipliqqa, shiwétsiyedin kelgen abdushükür muhemmetni bash nazaretchilik wezipisige, shiwétsariyede turuwatqan doktor qeyser abduqadirni maliye ishlirigha, gérmaniyelik Uyghur ziyaliysi muhemmetéli niyaz ependini teshwiqat ishlirigha mes'ul qilip teyinlidi.

Uyghur akadémiyesi yawropa tarmiqining re'isi bolup saylan'ghan abdushükür abduréshit ependi sözide saylighanlargha rehmet éytqandin kéyin, bundin kéyinmu özlirini qollishini telep qildi.

Ablimit qaraxan ependi bu sorunni Uyghur akadémiyesige teyyarlap bergen d u q rehberlirige rehmet éytti.

Eng axirida d u q re'isi dolqun eysa ependi sözlep, Uyghur akadémiyesining xizmetlirige yuqiri baha berdi.

Uyghur akadémiyesi 2009-yili 9-ayda 9 Uyghur ziyaliysi teripidin istanbulda qurulghan bolup, mezkur akadémiye 2018-yili "Uyghur akadémiyesining amérika tarmiqini" qurup chiqqan idi.

Toluq bet