Абдурахман өзтүрк: "киночилиқ ишлиримиздиму миллий коллективизм шәкиллиниши керәк"

Мухбиримиз гүлчеһрә
2016-05-24
Share

Уйғур киночилиқ ишлири хитайниң дөләт сиясити, миллий мәдәнийәт, дин вә иқтисад қатарлиқ һәр түрлүк амилларниң тәсиридә қийинчилиққа дуч келиватқан болуп, бу саһәдикиләр уйғур киночилиқида һәқиқий тәтқиқат, издиниш, пул-мал үчүн әмәс, бәлки һәқиқий кәспий интилиш, миллий аң кәм болуп қалди дәп қаримақта. Әмма йеқинқи йилларда чәтәлләрдиму уйғур киночилиқ ишлирини ойғитиш йолида меңиватқан уйғур яшлириму көзгә челиқишқа башлиди.

Дәслипидә бир һәвәскар сүпитидә киночилиққа қизиқип, тохтимай тиришиш арқилиқ ахири, бултур түркийәдә өзи режиссорлуқ қилип "ақ кит" киносини рояпқа чиқарған абдурахман өзтүрк әнә шуларниң бири. У йеқинда уйғурлар темисида йеңи бир кино ишләш ойини әмәлгә ашуруш йолида, дуня киночилиқ саһәсиниң мәркизи болған һолливод қа келип билим ашуруватмақта.

Бүгүн радиомизда мухбиримиз гүлчеһрәниң зияритини қобул қилған яш режиссор абдурахман өзтүрк "кино өзимизни дуняға тәшвиқ қилишниң әң күчлүк қорали болалайду. Һәрқайси җайлардики кино ишлири билән шуғуллиниватқан вә киночилиққа қизиққан, бәл бағлиған һәр қандақ уйғурларниң бу саһәни қоллиши, қошулуши арқилиқ уйғурлар киночилиқ ишлиридиму миллий коллективизмлиқ шәкилләндүрүшимиз лазим, бирликтә издәнсәк, чоқум дуняға уйғурни тонутидиған надир киноларни барлиққа кәлтүрәләймиз" дәп мураҗиәт қилди.

Юқиридики улиништин мухбиримиз гүлчеһрәниң абдурахман өзтүрк билән өткүзгән сөһбитиниң мәзмунини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт