Abduraxman öztürk: "Kinochiliq ishlirimizdimu milliy kolléktiwizm shekillinishi kérek"

Muxbirimiz gülchéhre
2016-05-24
Share

Uyghur kinochiliq ishliri xitayning dölet siyasiti, milliy medeniyet, din we iqtisad qatarliq her türlük amillarning tesiride qiyinchiliqqa duch kéliwatqan bolup, bu sahedikiler Uyghur kinochiliqida heqiqiy tetqiqat, izdinish, pul-mal üchün emes, belki heqiqiy kespiy intilish, milliy ang kem bolup qaldi dep qarimaqta. Emma yéqinqi yillarda chet'ellerdimu Uyghur kinochiliq ishlirini oyghitish yolida méngiwatqan Uyghur yashlirimu közge chéliqishqa bashlidi.

Deslipide bir heweskar süpitide kinochiliqqa qiziqip, toxtimay tirishish arqiliq axiri, bultur türkiyede özi rézhissorluq qilip "Aq kit" kinosini royapqa chiqarghan abduraxman öztürk ene shularning biri. U yéqinda Uyghurlar témisida yéngi bir kino ishlesh oyini emelge ashurush yolida, dunya kinochiliq sahesining merkizi bolghan holliwod qa kélip bilim ashuruwatmaqta.

Bügün radi'omizda muxbirimiz gülchéhrening ziyaritini qobul qilghan yash rézhissor abduraxman öztürk "Kino özimizni dunyagha teshwiq qilishning eng küchlük qorali bolalaydu. Herqaysi jaylardiki kino ishliri bilen shughulliniwatqan we kinochiliqqa qiziqqan, bel baghlighan her qandaq Uyghurlarning bu saheni qollishi, qoshulushi arqiliq Uyghurlar kinochiliq ishliridimu milliy kolléktiwizmliq shekillendürüshimiz lazim, birlikte izdensek, choqum dunyagha Uyghurni tonutidighan nadir kinolarni barliqqa keltüreleymiz" dep muraji'et qildi.

Yuqiridiki ulinishtin muxbirimiz gülchéhrening abduraxman öztürk bilen ötküzgen söhbitining mezmunini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet