Shiwétsiyediki “Meshrep” putbol komandisi putbol arqiliq Uyghurlarni tonutmaqta

Ixtiyariy muxbirimiz éhsan
2016.03.23
shiwetsiye-meshrep-putbol-komana-ezaliri.jpg “Meshrep” putbol komandisi ezaliri.
RFA/Éhsan

Shiwétsiyede 2013-yili qurulghan “Meshrep” putbol komandisi ezaliri ottura asiya döletliridin qazaqistan, qirghizistan, özbékistan qatarliq döletlerdin köchmen bolup kelgen Uyghur yashlardin teshkillen'gen.

Komanda mes'uli hemde trénéri muhemmet sidiqning bildürüshiche, bu komandining Uyghur yashlardin 30 gha yéqin ezasi bolup, shiwétsiyening sitokholm shehiri we uninggha qarashliq her qaysi rayonlardiki Uyghur yashlar özlükidin teshkillinip “Meshrep” komandisini qurup chiqqan.

Bu komanda shiwétsiyediki ishtin sirtiqi putbol komandilar guruppisigha qétilip, shiwétsiyediki ishtin sirtqi komandilar ara ötküzülidighan musabiqilerge qatniship kelmekte. Ötken yili ishtin sirtqi 9 komandilar ara ötküzülgen musabiqide “Meshrep” komandisi birinchilikni qolgha keltürgen.

Ular shiwétsiyediki komandilardin bashqa yene, bélgiye we norwégiye qatarliq döletlerdiki teshkillen'gen Uyghur komandilar bilen dostluq musabiqisi oynash arqiliq muhajirettiki Uyghurlarning öz-ara tonushush we qérindashliqni küchlendürüsh, bu arqiliq öz tili we medeniyitini untup qalmasliqlargha asas sélip kelmekte.

Ziyaritimizni qobul qilghan “Meshrep” putbol komanda trénéri muhemmet sidiq ependi Uyghur yashlarning putbol wasitisi bilen dostluq ornitish we meshrep oynashqa türtke bolghanliqini bayan qildi.

Meshrep komanda ezaliridin ferux ziyaritimizni qobul qilip, özining bu komandida öz tengtushliri bilen dostluq ornatqandin bashqa yene, putbol musabiqiler arqiliq shiwét xelqige Uyghur dawasini, Uyghur diyaridiki zulumni we xitay da'irilirining Uyghurlargha élip bériwatqan basturush siyasitini anglatqanliqini bildürdi.

Biz yene “Meshrep” putbol komandisining bashliqi rosulni ziyaret qilduq.

U sözide komandidiki yashlarni terbiyilesh arqiliq hazir shiwétsiyening kespi komandilirida 3 neper Uyghur yigitning top tépiwatqanliqini, shiwétsiyediki ammiwi tor betlerde “Meshrep” komandisigha da'ir xewerlerning tarqilishi bilen putbol arqiliq ularni tonuydighan kishilerning köpeygenlikini hemde her musabiqilerge “Sherqiy türkistan bayriqi” nimu tonutiwatqanliqini bildürdi.
Ziyaret axirida “Meshrep” putbol komandisi mes'uli we trénéri muhemmet sidiq bélgiyediki Uyghurlargha rehmet éytish bilen birge, pütün dunyadiki Uyghurlarni shiwétsiyediki dunya Uyghur putbol longqisini tallishish musabiqisige teklip qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.