“түрк дуняси әнәниви уссул тәнтәниси” дә уйғур өсмүрләр сама уссули көрсәтти

Ихтиярий мухбиримиз арслан
2018.05.10
Share on WhatsApp
Share on WhatsApp
Istanbul-uniwersiteti-uyghur-sama.jpg

Истанбул университетида өткүзүлгән “түрк дуняси әнәниви уссул тәнтәниси” паалийитидә уйғур өсмүрлири сама уссули ойнимақта. 2018-Йили 9-май, түркийә. RFA/Arslan

Istanbul-uniwersiteti-uyghur-sama-1.jpg

Истанбул университетида өткүзүлгән “түрк дуняси әнәниви уссул тәнтәниси” паалийитидә уйғур өсмүрлири сама уссули ойнимақта. 2018-Йили 9-май, түркийә. RFA/Arslan

Istanbul-uniwersiteti-uyghur-sama-2.jpg

Истанбул университетида өткүзүлгән “түрк дуняси әнәниви уссул тәнтәниси” паалийитигә кәлгән уйғур гурупписи. 2018-Йили 9-май, түркийә. RFA/Arslan

Istanbul-uniwersiteti-uyghur-sama-3.jpg

Истанбул университети тарих пәнлири профессори мәһмәт сарай әпәнди уйғурлар тоғрилиқ тохталди вә көпчиликкә өзиниң шәрқий түркистан тарихи тоғрисида нәшр қилдурған икки қисимлиқ китабимни оқуп чиқишни тәвсийә қилди. 2018-Йили 9-май, түркийә. RFA/Arslan

Istanbul-uniwersiteti-uyghur-sama-4.jpg

Истанбул университетида өткүзүлгән “түрк дуняси әнәниви уссул тәнтәниси” паалийитиниң тәқдирнамә тарқитиш мурасими. 2018-Йили 9-май, түркийә. RFA/Arslan

Истанбул университети түрк күлтүр-мәдәнийәт тәтқиқати кулубиниң уюштуруши билән өткүзүлгән “түрк дуняси әнәниви уссул тәнтәниси” паалийитидә уйғур өсмүрлири сама уссули ойниди.

9-Май күни истанбул университети пән вә билим факултетиниң йиғин залида өткүзүлгән бу паалийәткә шәрқий түркистан маарип вә һәмкарлиқ җәмийитиниң тәртиплиши билән 15 нәпәр уйғур өсмүрдин тәркиб тапқан бир сәнәт гурупписи қатнашти вә уйғур миллий кийимлири билән сәһнигә чиқип, сама уссули орундиди.

Мәзкур сәнәт паалийити “истиқлал марши” билән башланди. Тарих пәнлири профессори мәһмәт сарай әпәнди ечилиш нутқи сөзлиди.

У түрк дунясидики хәлқләрни бир бирләп тилға елип, шу қатарда уйғурлар тоғрилиқму тохтилип өтти. У мундақ деди: “уйғур қериндашлиримиз нөвәттә әң қийин бир вәзийәттә туруватиду. Уйғур қериндашлиримизни билиш вә чүшиниш үчүн мениң шәрқий түркистан тарихи тоғрисида йезип нәшр қилдурған икки қисимлиқ китабимни оқуп чиқишиңларни тәвсийә қилимән.”

Паалийәттә, уйғур, қазақ, қирғиз, чечән, гагавуз, түрк қатарлиқ милләтләрниң яш-өсмүрлиридин тәшкилләнгән сәнәт гуруппилири айрим-айрим сәһнигә чиқип, һәрқайсиси өзлириниң миллийчә әнәниви усуллирини көрсәтти.

Нөвәт уйғурларға кәлгәндә риясәтчи қиз-оғул сәһнидә абдуреһим өткүрниң “из” намлиқ шеирини декламатсийә қилди вә уйғур өсмүрләр гурупписини сәһнигә тәклип қилди. Миллийчә кийингән уйғур өсмүрләр қизғин алқиш билән сәһнигә чиқти вә уйғур сама уссулини ойниди. Өсмүрләр ләрзан һәрикәт билән сама уссули ойнаватқанда уларниң ичидики бири ай-юлтузлуқ көк байрақни тохтимай ләпилдәтти. Сама уссули ахирлашқанда залда гүлдүрас алқиш садалири яңриди.

Профессор мәһмәт сарай әпәнди сөз қилип, бу қетимлиқ көрәктә көрситилгән уйғур, қазақ, қирғиз қатарлиқ түркий тилида сөзлишидиған хәлқләрниң әнәниви миллий уссуллириға юқири баһа бәрди. Шуниңдин кейин йәнә чичән, башқурт қатарлиқ милләтләрниң сәнәт гуруппилириму өзлириниң әнәниви миллий уссуллирини көрсәтти.

Паалийәт ахирида һәр қайси хәлқләрниң вәкиллири сәһнигә тәклип қилинип, уларға тәқдирнамә тәқдим қилинди. Уйғурларға берилгән тәқдирнамә вә шәрәп тахтисини шәрқий түркистан маарип вә һәмкарлиқ җәмийитиниң вәкили тапшуруп алди.

Биз бу йиғин тоғрисида техиму тәпсилий мәлуматқа игә болуш үчүн паалийәткә қатнашқан уйғур өсмүрлириниң йетәкчиси әланур ханим билән сөһбәт елип бардуқ. Әланур ханим мундақ деди: “бу паалийәттә һәр қайси милләтләр өзлириниң әнәниви миллий уссуллирини көрсәтти. Уйғур пәрзәнтлиримизму сама уссули ойнап, уйғурларниң әнәниви уссул сәнитини юқири маһарәт билән намайиш қилди. Баллиримизниң шох, тетик, вә ләрзан һәрикәтлири тамашибинларниң алқишиға еришти. Балилиримизниң өзигә хас миллий кийимлириму алаһидә диққәт тартти.”

Мәзкур паалийәткә қатнашқан университет оқуғучиси асийәму зияритимизни қобул қилип, өзиниң тәсиратлирини баян қилип өтти.
У мундақ деди: “истанбул университетиниң кулубида уйғур пәрзәнтлиримизниң әнәниви миллий уссул маһарити көрситиши вә ай-юлтузлуқ көк байриқимизниң сәһнидә ләпилдиши түркийә университетлириниң мәдәнийәт муһитида бөсүш характерлик бир чоң иш болди.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.