“Qedimqi Uyghur tilidin hazirqi zaman Uyghur tilighiche” namliq kitab neshirdin chiqti

Erkin tarim
2015-03-01
Share
kitab.jpg Kitabning muqawisi
Photo: RFA

“Qedimqi Uyghur tilidin hazirqi zaman Uyghur tilighiche” namliq kitab türkiyening istanbul shehride  neshirdin chiqti. Kitab tonulghan Uyghur türkolog  mirsultan osmanopning 85 yashqa toshqanliqigha atap neshir qilin'ghan bolup, kitabning kirish söz qismida mundaq yézilghan:

Qedimdin bügün'giche mexmut qeshqiri, yüsüp xas hajipqa oxshash nurghun alimler yétishken Uyghur diyaridiki eng muhim shexslerdin biri mirsultan osmanoptur.  Qedimqi türkche, qedimqi Uyghur tili we hazirqi zaman Uyghur tili di'aléktliri toghrisida nurghun eser yazghan mirsultan osmanop  bu yil 85 yashqa kirdi. Mirsultan osmanopqa  2014-yili türk kültürige xizmet qilish weqpi  türk tili tetqiqatigha qoshqan töhpisi üchün médal  berdi. Mirsultan osmanopning 85 yashqa toshqanliqigha béghishlap neshir qilin'ghan bu kitabqa  uning kesipdashliri we oqughuchilirining ilmiy maqaliliri kirgüzüldi.

Istanbulda neshir qilin'ghan 385 bettin terkip tapqan bu kitabqa   Uyghurche, türkche, némische, in'gilizche we xitayche maqalilar kirgüzülgen.

Kitabning tehrirlikini aysima mirsultan xanim, türkiye erzurum atatürk uniwérsitéti oqutquchisi erqan aydin ependi we méhriban tursun aydin xanimlar qilghan. Biz  tonulghan türkolog mirsultan osmanop  we uninggha atap chiqirilghan kitab we mirsultan osmanopning ilmiy pa'aliyetliri  toghrisidiki köz qarishini élish üchün gérmaniyediki  gé'otinggén uniwérsitéti oqutquchisi ablet semet ependi bilen söhbet élip barduq.

U, mirsultan osmanopning Uyghur tili tetqiqatigha qoshqan töhpisi toghrisida tepsili melumat bérip, 2013-yili bérlin'ge kélip ikki ay turup 20-esirning bashlirida némislar Uyghur diyaridin élip ketken qedimqi Uyghurche we  chaghatayche tékistlarni retlesh xizmitige qatnashqanliqini, 85 yashqa kirginige qarimay ilmiy tetqiqatini dawamlashturiwatqanliqini bayan qilip ötti.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet