Хитай саяһәтчиләрниң мәдәнийәтсиз қилмишлири японийә пуқралирини йиргәндүрди

Мухбиримиз әзиз
2015-10-14
Елхәт
Пикир
Share
Принт
Сүрәт, хитайниң тәңритағ уйғур торидин елинған сайрам көли бойидики муһит асраш тахтиси астиға йиғилип қалған әхләтләрдин бир көрүнүш.
Сүрәт, хитайниң тәңритағ уйғур торидин елинған сайрам көли бойидики муһит асраш тахтиси астиға йиғилип қалған әхләтләрдин бир көрүнүш.
www.xjtsnews.com Дин елинди.

Японийә мәтбуатлири йеқинда елан қилған хитай саяһәтчилиригә аит бәзи сәлбий баһалар японийәгә кәлгән хитайларниң йәрлик кишиләрни йиргәндүрүватқанлиқини көрсәтмәктә.

Б б с ниң хитайчә бөлүминиң мәлуматлириға асасланғанда 2015-йиллиқ дөләт байрими мунасивити билән японийәниң һәрқайси шәһәрлиригә саяһәткә кәлгән зор сандики хитай саяһәтчиләр бу йил сан җәһәттики һәссиләп ешиш билән әмәс, бәлки шәхсий һәрикәттики әхлақсизлиқ вә мәдәнийәтсизлик билән йәрлик кишиләрниң нәзиридин чүшмәктә. Шундақла чәтәлләрдә әң қарши елинмайдиған кишиләрдин болуп қалмақта. Хитайниң теңшун торида бәс-муназирә қозғиған син көрүнүшлириниң биридә японийәлик сетиқчи аял мундақ дәйду:
«Икки нәпәр хитай саяһәтчи дукинимға келип мәндин соримайла херидарлар үчүн тизип қойған қийма кавипини қоли билән уяқ-буяққа өрүп көрди. Бу дегән йәйдиған нәрсә турса уни қалаймиқан тутса қандақ болиду? шу чағда уларниң бири каваптин бир зиқни елипла пулму бәрмәстин йейишкә башлиди. Мән уларға ‹кавапни қалаймиқан тутсаңлар болмайду' десәмму пәрва қилмиди. Уларниң бири кавапни бир чишләп қоюп ‹тәми болмайдикән' дегән мәнидә қол пулаңлатти вә ташлап қоюп маңмақчи болди. Бу наһайити әдәпсизлик әмәсму? у чишләп қойған нәрсини ким йәйду? хитайларниң бундақ ишлири бәк көп.»

Хоншу арилиға җайлашқан фуҗи теғи японийәдики даңлиқ саяһәт орни. Мәзкур саяһәт орнида көзгә челиқарлиқ җайларда инглизчә , япончә вә хитайчә йезиқларда алақидар мәзмунлар йезилған әскәртиш тахтилири болсиму, хитай саяһәтчилири буларға задила пәрва қилмиған. Бу җайлардики хитайларниң әхлақсизлиқлирини японийә таратқулири мундақ тәсвирләйду:
«Хитай саяһәтчиләр бу йәрдики дәрәхләргә ямишип чиқип сүрәткә чүшиду. Әмма аву йәрдә дәрәхкә ямишишқа болмайду дәп ениқ йезилған. ‹Тамака чекиш мәни қилиниду' дегән тахтиниң йенида туруп тамака чекиватқан аву хитай саяһәтчиму тамакисини чекип болуп орманлиққа ташливәтти. Биз униңдин ‹сиз баятин орманлиққа тамака қалдуқини ташлидиңизму?' дәп сорисақ у ‹мән пәқәт бир тал ташлидим' деди. ‹Тамака қалдуқини орманлиққа ташлиса от кетидиғанлиқини биләмсиз?' дәп сорисақ ‹мән тамака қалдуқини оти өчкәндин кейин ташлидим' дәп җаваб бәрди.»

Японийә ахбаратида ейтилишичә, йәрлик кишиләрниң һәммидин бәкрәк ғәзипини қозғиғини, хитай саяһәтчиләрниң фуҗи теғидики саяһәт районида ришаткилардин атлап өтүп, янар тағниң лава қатмилирини хатирә буюм сүпитидә оғрилап меңиши болған. Решаткиниң йенидики чоң әскәртмә тахтайға хитай йезиқида йезилған «фуҗи теғиниң һечқандақ ташлирини елип кетишкә болмайду» дегән чоң хәтләрниң хитай саяһәтчиләр үчүн һечқандақ роли болмиған. Биз бу һәқтә техиму тәпсилий мәлумат елиш үчүн оқуш вә хизмәт сәвәби билән японийәдә узун мәзгил яшиған уйғур паалийәтчи илһам мәһмутни зиярәт қилдуқ. У зияритимизни қобул қилиш җәрянида хитайларниң көп санда японийәгә саяһәткә бериши, саяһәттин көрә бәкрәк сода характерини алидиғанлиқини тәкитләп өтти. Шундақла токйо қатарлиқ чоң шәһәрләрдики бир қисим мәшһур ресторанларда хитайларни қарши алмайдиған әһвалниң еғирлиқини баян қилди.

Программиниң тәпсилий мәзмунини аваз улинишидин аңлиғайсиләр.

Толуқ бәт