Yaponlarning Uyghur tili söygüsi we “Atliq milletler élip kelgen yapon tili” namliq eser

Yéqinda yaponiye hoso uniwérsitétining oqutquchisi doktor muqeddes xanim tokyodiki yashan'ghanlar sanatoriyeside dem éliwatqan 91 yashliq Uyghur tili tetqiqatchisi higashi iwo'o ependini ziyaret qilip, uning bilen Uyghur tili heqqide söhbet élip barghan.

Higashi iwo'o özining 2009-yili neshr qilin'ghan “Atliq milletler élip kelgen yapon tili” namliq, 365-betlik meshhur tetqiqat esiri bilen yaponiyede tonulghan Uyghurshunaslardin biri bolup, u, öz esiride yapon tiligha qedimki Uyghur tilining belgilik derijide tesir körsetkenlikini tarixiy pakitlar arqiliq, tilshunasliq ilmiy boyiche sherhlep, Uyghur tili bilen yapon tilini sélishturghan halda tetqiqat élip barghan we özining bu jehettiki bezi bir qarashlirini yekünlep chiqqan.

Uyghur tili tetqiqatchisi higashi iwo'o Uyghur tiligha zor ishtiyaq baghlighan yaponlardin biri bolup, u ilgiri béyjingdiki milletler uniwérsitétida on yil Uyghur tili heqqide öginish we izdinish élip barghan.

Nöwette diqqitinglar, doktor muqeddes xanim bilen Uyghurshunas higashi iwo'oning Uyghurlar toghrisida éytqanliri we uning “Atliq milletler élip kelgen yapon tili” namliq esiri heqqide élip barghan söhbette bolghay.

Yuqiriqi awaz ulinishidin tepsilatini anglang.