Голландийәдә “явропа уйғур нава ансамбили” рәсмий қурулди

Ихтиярий мухбиримиз әркин тарим
2015.08.26
Share on WhatsApp
Share on WhatsApp
yawropa-nawa-ansambili.jpg Уйғурлар өткүзгән хәлқаралиқ мәшрәптә голландийәдә қурулған “явропа уйғур нава ансамбили” ниң номур көрсәтмәктә. 2015-Йили 21-авғуст, германийә.
RFA/Erkin Tarim

Явропа дөләтлиридә уйғур нопусиниң көпийишигә әгишип явропадики уйғурларниң уйғур миллий сәнитигә болған еһтияҗиға җаваб бериш үчүн голландийәдә “явропа уйғур нава ансамбили” рәсмий қурулған.

Уйғур музикантлиридин җәвдат ядигар, пәрһат абит, бәхтияр вә уйғур нахшичи таш мәмәт әпәндиләр бир җайға җәм болуп қурған бу ансамбили явропа дөләтлиридики уйғурларниң йиғилишлирида, той-төкүнлиридә, мәшрәпләрдә вә һейт-байрамларда уйғур миллий нахша вә музикилирини иҗра қиливатқан болуп, явропа дөләтлиридә уйғур сәнитиниму тонутушқа зор төһпә қошмақта. Биз 8-айниң 21-22-күнлири германийәдә өткүзүлгән хәлқаралиқ мәшрәп җәрянида мәзкур ансамбилиниң әзалири билән сөһбәт елип бардуқ.

Дутарчи пәрһат абид әпәнди, мәзкур ансамбилиниң қурулуш мәқсити һәққидә тохтилип мундақ деди:
Ғәрб дунясидики нурғун уйғурларниң балилири бу йәрдә туғулуп чоң болди, той қилиш йешиғиму келип қалди. Униңдин башқа нурғун паалийәтләр болуватиду, мушундақ бир ансамбилиға еһтияҗ бар. Мушуни көздә тутуп, биз төт киши “явропа уйғур нава ансамбили” намида бир өмәк қурдуқ.

Немә тәклипләр келиватамду? дегән соалимизға пәрһат абид әпәнди мундақ җаваб бәрди:
Қисқа вақит ичидә 3 тойға берип нахша вә музика иҗра қилдуқ, наһайити яхши кетиватиду. явропа дөләтлиридә һәтта түркийә вә башқа дөләтләрдин тәклип кәлсиму баримиз. Пәқәтла той-төкүндила әмәс, һәр қандақ паалийәткә берип музика иҗра қилишқа биз тәйяр.

Шинҗаң педагогика университетни пүттүргәндин кейин голландийәгә келип олтурақлишип қалған бәхтияр әпәнди, бир милләтни тонутуш үчүн сәнәтниң бәк муһим икәнликини, “явропа уйғур нава ансамбили” ниң һазирчә уйғурларға сәнәт номурлири орунлаватқанлиқини, келәчәктә явропалиққиму уйғур миллий сәнитини тонутушқа болидиғанлиқини тәкитлиди.

Зәйнидин әпәнди бу өмәкниң голландийәдики уйғурлар үчүн мәниви озуқ болуватқанлиқини, уйғур сәнитини голландийә һөкүмити вә голландийә хәлқиниңму хәвәрдар икәнликини баян қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.