Gollandiyede “Yawropa Uyghur nawa ansambili” resmiy quruldi

Ixtiyariy muxbirimiz erkin tarim
2015.08.26
Share on WhatsApp
Share on WhatsApp
yawropa-nawa-ansambili.jpg Uyghurlar ötküzgen xelq'araliq meshrepte gollandiyede qurulghan “Yawropa Uyghur nawa ansambili” ning nomur körsetmekte. 2015-Yili 21-awghust, gérmaniye.
RFA/Erkin Tarim

Yawropa döletliride Uyghur nopusining köpiyishige egiship yawropadiki Uyghurlarning Uyghur milliy sen'itige bolghan éhtiyajigha jawab bérish üchün gollandiyede “Yawropa Uyghur nawa ansambili” resmiy qurulghan.

Uyghur muzikantliridin jewdat yadigar, perhat abit, bextiyar we Uyghur naxshichi tash memet ependiler bir jaygha jem bolup qurghan bu ansambili yawropa döletliridiki Uyghurlarning yighilishlirida, toy-tökünliride, meshreplerde we héyt-bayramlarda Uyghur milliy naxsha we muzikilirini ijra qiliwatqan bolup, yawropa döletliride Uyghur sen'itinimu tonutushqa zor töhpe qoshmaqta. Biz 8-ayning 21-22-künliri gérmaniyede ötküzülgen xelq'araliq meshrep jeryanida mezkur ansambilining ezaliri bilen söhbet élip barduq.

Dutarchi perhat abid ependi, mezkur ansambilining qurulush meqsiti heqqide toxtilip mundaq dédi:
Gherb dunyasidiki nurghun Uyghurlarning baliliri bu yerde tughulup chong boldi, toy qilish yéshighimu kélip qaldi. Uningdin bashqa nurghun pa'aliyetler boluwatidu, mushundaq bir ansambiligha éhtiyaj bar. Mushuni közde tutup, biz töt kishi “Yawropa Uyghur nawa ansambili” namida bir ömek qurduq.

Néme teklipler kéliwatamdu? dégen so'alimizgha perhat abid ependi mundaq jawab berdi:
Qisqa waqit ichide 3 toygha bérip naxsha we muzika ijra qilduq, nahayiti yaxshi kétiwatidu. Yawropa döletliride hetta türkiye we bashqa döletlerdin teklip kelsimu barimiz. Peqetla toy-tökündila emes, her qandaq pa'aliyetke bérip muzika ijra qilishqa biz teyyar.

Shinjang pédagogika uniwérsitétni püttürgendin kéyin gollandiyege kélip olturaqliship qalghan bextiyar ependi, bir milletni tonutush üchün sen'etning bek muhim ikenlikini, “Yawropa Uyghur nawa ansambili” ning hazirche Uyghurlargha sen'et nomurliri orunlawatqanliqini, kélechekte yawropaliqqimu Uyghur milliy sen'itini tonutushqa bolidighanliqini tekitlidi.

Zeynidin ependi bu ömekning gollandiyediki Uyghurlar üchün meniwi ozuq boluwatqanliqini, Uyghur sen'itini gollandiye hökümiti we gollandiye xelqiningmu xewerdar ikenlikini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.