Uyghur mejburiy emgek mesilisi jenwede bashlan'ghan b d t “Soda we kishilik hoquq munbiri” ning muhim témisi boldi

Bérndin ixtiyariy muxbirimiz hebibulla izchi teyyarlidi
2023.11.28
BDT-kishilik-hoquq-05

“Birleshken döletler teshkilatining 12-qétimliq soda we kishilik hoquq munbiri” témisidiki yighinigha qatnashqan Uyghur wekiller, 2023-yili 27-noyabir, jenwe RFA/Hebibulla

BDT-kishilik-hoquq-03

“Birleshken döletler teshkilatining 12-qétimliq soda we kishilik hoquq munbiri” témisidiki yighinida amérika Uyghur birleshmisining re'isi elfidar iltebir söz qilmaqta. 2023-Yili 27-noyabir, jenwe RFA/Hebibulla

BDT-kishilik-hoquq-02

“Birleshken döletler teshkilatining 12-qétimliq soda we kishilik hoquq munbiri” témisidiki yighinigha kirishtin ilgiri, Uyghur wekiller xatire süretke chüshti. 2023-Yili 27-noyabir, jenwe RFA/Hebibulla

BDT-kishilik-hoquq-01

Uyghur wekiller yighin ariliqida otturigha quyulidighan pikirlerni muzakire qiliwatqan körünüsh. 2023-Yili 27-noyabir, jenwe RFA/Hebibulla

BDT-kishilik-hoquq-06

“Birleshken döletler teshkilatining 12-qétimliq soda we kishilik hoquq munbiri” témisidiki yighin échiliwatqan zalning körünüshi. 2023-Yili 27-noyabir, jenwe RFA/Hebibulla

Birleshken döletler teshkilatining 12-qétimliq soda we kishilik hoquq munbiri” témisidiki yighini bashlandi. Bu yighin'gha dunya Uyghur qurultiyi, amérika Uyghur birleshmisi, Uyghur kishilik hoquq qurulushi, Uyghur herikiti qatarliq muhajirettiki Uyghur teshkilatliri, shundaqla adwokat reyhan esetni öz ichige alghan bir qisim pa'aliyetchiler qatnashti.

Bu munasiwet bilen dunya Uyghur qurultiyining re'isi dolqun eysa jenwede ziyaritimizni qobul qildi. U, bu qétimqi yighinning meqsiti, yighinda muzakire qilinidighan témilar, shundaqla dunya Uyghur qurultiyining bu bir hepte ichide b d t da élip baridighan pa'aliyetliri heqqide melumat berdi.

B d t ning bu qétimqi yighinigha amérika Uyghur birleshmisining re'isi elfidar iltebir xanimmu qatnashqan bolup, u bu yighinda Uyghur rayonidiki qul emgiki we kishilik hoquq depsendichilikliri heqqide söz qildi. U, Uyghur mejburiy emgiki we Uyghur diyarida ishlepchiqiriliwatqan küntaxtaning Uyghur mejburiy emgiki bilen munasiwetlik ikenlikini, sherqiy türkistanda Uyghur mejburiy emgiki hazirmu dawam qiliwatqan bir waqitta bu témining tilgha élinmay turup bashqa témigha ötüp kétishke bolmaydighanliqi heqqide jiddiy rewishte pikir bayan qildi.

Neq meydandin ziyaritimizni qobul qilghan elfidar xanim özining bu qétimqi yighinda jiddiy rewishte tekitligen muhim nuqtiliri heqqide izahat bérip ötti.

Bu qétim b d t ning jenwediki shitabida ötküzülidighan pa'aliyetler ichide yene kéler qétimliq b d t ning her qaysi döletlerning kishilik hoquq ehwalini közdin kechürüsh yighini we xitayning kishilik hoquq ehwalini tekshüridighan mexsus yighinning teyyarliq xizmetlirimu ishlinidiken. Dunya Uyghur qurultiyi ayallar komitétining mudiri, d u q ning programma yétekchisi zumret'ay xanimmu ziyaritimizni qobul qilip, bu qétimqi jenwediki pa'aliyetler heqqide melumat berdi.

Merkizi amérikadiki Uyghur herikiti teshkilatining xadimi serkan tash ependi b d t ning bu qétimliq yighinida Uyghur mesilisini küntertipte tutup turush üchün qilmaqchi bolghan ishlar heqqide uchur bérip ötti.

B d t ning bügünki yighinida sözge chiqmaqchi bolghan adwokat reyhan eset xanim, özining bu yighin'gha kélishtiki meqsiti we bügün otturigha qoymaqchi bolghan témisi heqqide melumat bérip ötti.

Bu qétimliq yighin b d t ning 2011-yili qurghan “Soda we kishilik hoquq munbiri” ning 12-qétimliq yighinidur. Bu qétimliq yighin “Mejburiyet, mes'uliyet we mes'uliyetni orunlashta özgirish hasil qilip yéngi dunya berpa qilish” ni özining sho'ari qilghan. Bu qétimqi yighinda asasliq téma mejburiy emgek we shuninggha chétishliq mesililer muzakire qilidiken. B d t soda we kishilik hoquq komitétining tor bétide bildürüshiche, bu qétimqi yighin'gha dunyaning her qaysi jayliridin ikki mingdin artuq wekil qatnashqan bolup, bu yighin ikki kün dawamlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.