Qeshqerde oghlini misirgha oqushqa ewetken ata‏-ana 5 we 8 yilliqtin késilgen

Muxbirimiz shöhret hoshur
2020-04-21
Élxet
Pikir
Share
Print
17 Yashliq oghli abduxaliq ezizni shexsiy xirajiti bilen misirgha oqushqa ewetken eziz nasir bilen amine abdubaqi, (2016-yili yeni tutqun qilinishtin birqanche ay burun), qeshqer.
17 Yashliq oghli abduxaliq ezizni shexsiy xirajiti bilen misirgha oqushqa ewetken eziz nasir bilen amine abdubaqi, (2016-yili yeni tutqun qilinishtin birqanche ay burun), qeshqer.
Abduxaliq Eziz teminligen

Ashkarilinishiche, dewrning qismetliri sewebidin bashlan'ghuchtin yuqiri oqush imkanigha érishelmigen shopur eziz nasir bilen a'ile ayali amine abdulbaqi hayatidiki bu hesretke shipa tépish üchün 17 yashliq oghli abduxaliq ezizni shexsiy xirajiti bilen misirgha oqushqa ewetken. Ular bu qarari üchün iqtisadiy jehettin köp chiqimdar bolup kétish xewpini oylighan, oghli bilen birqanche yillap körüshelmey qélish qiyinchiliqini texmin qilghan, emma axirida er-ayal ikkiylenning 5 we 8 yilliqtin késiwétilish qismitini xiyaligha keltürmigen idi.

Nöwette türkiyede yashawatqan abduxaliq ezizning bu guwahliq bayanatidin melum bolushiche, bu yil 55 yashlargha kirgen we 3 yildin buyan iz-dériki bolmaywatqan eziz nasir uzun mezgil qeshqer sheherlik xelq baghchisining shopuri bolup xizmet qilghan.

Er-ayal her ikkisi bashlan'ghuchtin yuqiri oqush imkanigha érishelmigini üchün köp hesret chekken eziz nasir bilen amine abdulbaqi 20 yilche tapqan-tergenlirini desmaye qilip 2015‏-yili oghli abduxaliq ezizni misirgha oqushqa ewetken. Abduxaliq misirda körgenliri we mektepte ögen'genlirini her küni dégüdek a'ilisige sözlep bérip, ata-anisigha zor ümidlerni béghishlap turuwatqan mezgilide, yeni 2016‏-yilning axirlirigha kelgende ushtumtut dadisi bilen alaqisi üzülgen.

Téléfonimizni qobul qilghan qeshqer sheherlik xelq baghchisining ishxana xadimi deslepte özlirining eziz nasir isimlik bir xizmetchisi bolghanliqi we uning shopur ikenlikini yoshurmidi, emma arqidin namelum seweb bilen bu idaride eziz nasir dep bir xizmetchining yoq ikenlikini éytti. Biz uningdin bu idaridiki tutqun qilin'ghan xizmetchining kim ikenlikini sorighinimizda, u tutqunda bir kishi barliqini ashkarilighan bolsimu, emma kimliki heqqide melumat bermidi. Bu idarining amanliq xadimi özining bu orun'gha yéngi ikenlikini eskertip, shopur eziz nasirni tonumaydighanliqini bildürdi.

Abduxaliq dadisining ehwalini bilelmey turuwatqan mezgilide, yeni 2017‏-yilining béshida apisiningmu téléfoni azlashqa bashlighan. Arida qisqa bir mezgil alaqisi üzülüp tekrar baghlan'ghan. 2017‏-Yili 4-ayda apisi özining "Terbiyelesh" ke élip méngilghanliqini bildürüp, ündidarda uning bilen xoshlashqan. Ene shu kündin étibaren besh janliq bu a'ilining balisini chet'elde oqutuwatqanliq xushalliqi qabahetlik bir chüshke aylan'ghan. 3 Yilghiche ata‏-anisi heqqide héchqandaq uchurgha érishelmigen abduxaliq ikki ayning aldida melum yurtdashliri arqiliq apisining 6 yil késilgenlik uchurini alghan. Emma u yurtdishi uning dadisining téxiche ghayib ikenlikini éytqan, qanuniy ehwali (salahiyiti) heqqide melumat bérelmigen.

Téléfonimizni qobul qilghan qeshqer wilayetlik partkom teshkilat bölümining bir xadimi xelq baghchisining shopuri eziz nasirning ehwalidin xewirini yoqluqini éytti. Biz eziz nasirning döletbagh yéza 10 ‏-kentte olturushluq ikenlikini bildürginimizdin kéyin, u shu yézidiki qanuniy ishlargha alaqidar xadimning téléfon nomurini teminlidi.

Téléfonimizni qobul qilghan döletbagh yézisining qanuniy ishlargha mes'ul xadimi nöwette eziz nasirning maralbéshi türmiside jaza mudditini ötewatqanliqini ashkarilidi. Uning déyishiche, eziz nasir 3 yil burun tutqun qilin'ghan we 3 ay qamaqta tutup turulghandin kéyin 8 yilliq késiwétilgen. Bu xadimning yene delillishiche, eziz nasirning ayali amine abdulbaqi 5 yilliq késilgen. Nöwette u atushtiki bir türmide jaza mudditini ötimektiken.

Weziyettin xewerdar kishilerdin biri eziz nasir bilen amine abdulbaqining oghlini misirgha oqushqa ewetkenliki üchün jazalan'ghanliqini tilgha aldi. Abduxaliq ezizmu ata-anisining özini misirgha oqushqa ewetken we pul salghanliqidin bashqa "Gunahi" ning yoqluqini ilgiri sürdi.

Ilgiriki éniqlashlirimiz dawamida ghuljada taksim soda sariyining xojayini enwer tursunning oghlini türkiyede oqutqanliqi üchün "Dölet ma'aripini kemsitish" bilen eyiblinip, sotlan'ghanliqi we sot hökümining 3 ay kéyin'ge qaldurulghanliqi ashkarilan'ghan idi.

Toluq bet