Nursiman'gül abduréshit: "Tashqiy dunya Uyghurlar toghriliq talash-tartish qiliwatqan minutlarda bizning yiltizimiz qirqilmaqta"

Muxbirimiz irade
2021-09-13
Share
Nursiman'gül abduréshit: Nursiman'gül abduréshit "Uyghur sot kollégiyesi" ning guwahliq anglash yighinida lagérgha qamalghan ata-anisi we qérindashliri heqqide guwahliq bermekte. 2021-Yili 7-iyun.
Social Media

Hörmetlik radiyo anglighuchilar, en'giliyede "Uyghur sot kollégiyesi" 2-qétimliq guwahliq anglash yighini échilip, lagir shahitliri we tonulghan mutexesssiler xitay hökümitining Uyghurlar üstidin yürgüzüwatqan jinayetlirini tereptin-tereptin pash qiliwatqan bir mezgilde, merkizi en'giliyediki "ITV" qanilining béyjingda turushluq muxbirliri Uyghur élidiki ziyariti asasida ishlen'gen bir Sin xewiriNi tarqatti. Mezkur sin xewiri xitay hökümiti "Uyghur sot kollégiyesi" ning guwahliq anglash yighinida guwahliq bergüchilerni "Artistlar", "Yalghanchilar" dep eyiblewatqan, xitay özining jinayetlirini yoshuridighan teshwiqatini kéngeytiwatqan bir mezgilde élan qilinip, zor inkas qozghidi.

Mezkur Sin xewiriDe "ITV" qanilining muxbiri debi édwardning qeshqer toqquzaqqiche bérip, nursiman'gül abduréshitning lagérgha qamalghan ata-anisi we qérindashlirining iz-dérikini qilish jeryani tepsiliy körsitilgen.

Nursiman-Abdureshit-202109-02.png
"ITV" qanilining muxbiri debi édward

Nursiman'gülning radiyomizgha éytip bérishiche, u ata-ana, qérindashlirining iz-dérikini qilish jeryanida taki qeshqergiche bérip öyidikilerning iz-dérikini qilalaydighan bir muxbir izdigen. Axiri uning bu arzusi "ITV" qanili muxbirlirining tirishchanliqi netijiside ishqa ashqan.

Nursiman-Abdureshit-202109-03.png 

"ITV" qanilining muxbirliri nursiman'gül teminligen adrésqa asasen ularning toqquzaqtiki öyini tépip barghan. Sinliq xewerde körsitilishiche, nursiman'gülning toqquzaqtiki öyini tépish qéyin'gha toxtimighan bolsimu, biraq ular öyni tépip barghanda sirtidin quluplan'ghan bu qoraning alliqachan tashlinip qalghan xarabiliqqa aylan'ghanliqini körgen. Muxbirlar neq meydanda turup nursiman'gülge téléfon qilip, öyini körsetken.

  Nursiman-Abdureshit-202109-04.png

Nursiman'gül "Ular öyimizning derwazisining resimini manga ewetkende yürikim hayajandin yérilip kéteyla dep qaldi," dédi.

Biraq u muxbirlarning yardimi bilen tashlanduq xarabiliqqa aylan'ghan qorasini körginide, qobul qilghusi kelmeywatqan achchiq réyalliq bilen yüzleshken.

Nursiman-Abdureshit-202109-09.png

Xitay hökümiti rayondiki qilmishlirini meyli qandaq shekilde inkar qilishidin qet'iynezer, mezkur sin xewiri milyonlighan Uyghur a'ilirining qandaq weyran qiliniwatqanliqining, ularning izlirining qandaq öchürüliwatqanliqining janliq bir pakiti süpitide zor inkas qozghidi.

Nursiman-Abdureshit-202109-05.png

Nursiman'gül 2020-yiligha kelgende, tutqundiki ata-anisi we qérindashlirigha 2017‏-yili 13‏-dékabir küni jaza hökümi késilgenlikini we ularning ayrim-ayrim halda 13 yil, 16 yil we 19 yilliqtin késilgenlikidin xewer tapqan idi. Nursiman'gül radiyomiz arqiliq dunya jama'etchilikige xitab qilip: "Herqaysi dölet hökümetliri hazirghiche Uyghurlar yoluquwatqan bu weziyetke qandaq isim qoyushni talash-tartish qiliwatqan mushu minutlarda, bizning a'ililirimiz, yiltizimiz, kimlikimiz xaniweyran qiliniwatidu, izi yoqitiliwatidu, emdi biz heriketke ötmisek tolimu kéchikken bolimiz," dédi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet