Җов байдин америкиниң 46-нөвәтлик президентлиқини үстигә алди

Мухбиримиз әзиз
2021-01-20
Share
Җов байдин америкиниң 46-нөвәтлик президентлиқини үстигә алди Америка һөкүмитиниң 46-нөвәтлик президенти җов байдин 20-январ күни вашингтон шәһиридики мурасимда қәсәм берип рәсмий вәзипә тапшурувалди.
AP

Америка һөкүмитиниң 46-нөвәтлик президенти җов байдин 20-январ күни вашингтон шәһиридики мурасимда қәсәм берип рәсмий вәзипә тапшурувалди.

Җов байдин вә униң муавини камала харрис ханим әнәниви қаидиләр бойичә "инҗил" ни тутуп туруп қәсәм бәрди һәмдә өзлириниң америка хәлқи үчүн бәҗанидиллиқ билән хизмәт қилидиғанлиқини билдүрди. Буниңдин илгириму йеңи нөвәтлик һөкүмәтниң көплигән мәсилиләрдә илгирики асас бойичә йеңилиқ яритишқа күч сәрп қилидиғанлиқи тәкитләнгәниди.

Inauguration.jpg

Лейдий гага, җеннефер лопез қатарлиқ дуняви шөһрәткә игә чолпанларниң нәқ мәйданда нахша орундиши, мурасимда сөзләнгән нутуқлардики америка демократийәси вә иттипақлиқ-бирлик һәққидики баянлар, шуниңдәк һәрбий қисимларниң параттин ‍өтүши қатарлиқлар қошулуп бүгүнки мурасимни өзгичә җанландурувәтти. Һәрқайси ахбарат васитилири бу һәқтә нәқ мәйдандин җанлиқ хәвәр тарқитип, вирус вә бихәтәрлик мәсилилири сәвәбидин мурасимға қатнашмиғанларни мурасимни телевизордин көрүш имканийитигә игә қилди.

Ақ сарайға көчүп киргән күнниң өзидә президент җов байдин вирус, ярдәм пули тарқитиш, көчмәнләр мәсилиси қатарлиқ темилар бойичә 17 түрлүк иҗраийә буйруқиға имза қойди. Болупму униң "қанунсиз" болуп қалған көчмәнләрни америкиниң әнәниви қиммәт өлчими бойичә йеңи һаятлиқ маканиға игә қилиш һәққидики вәдиси милйонлиған кишиләрниң алқишиға еришти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт