Lagér shahiti qelbinur sidiq: qérindashlirim görüde, xitay saqchilirining tehditi téximu kücheydi

Muxbirimiz méhriban
2021-03-31
Share
Lagér shahiti qelbinur sidiq: qérindashlirim görüde, xitay saqchilirining tehditi téximu kücheydi Gollandiyediki lagér shahiti qelbinur sidiqqa ündidarda ékran arqiliq téléfon qilghan xitay dölet bixeterlik idarisi xadimi. 2021-Yili féwral.
Qelbinur Sidiq teminligen

2017-Yildin buyan milyonlighan Uyghurning lagérlargha qamalghanliqi heqqide xelq'ara taratqular we hökümet organlirida guwahliq bergen lagér shahitliri we ularning yurtidiki uruq-tughqan qérindashlirining xitay da'iriliri teripidin üzlüksiz her xil tehdit-hujumlargha uchrawatqanliqi xelq'ara taratqularda xewer témiliri bolup kelmekte.

Xelq'arada tonulghan lagér shahitliridin, ilgiri ürümchidiki melum lagérda oqutquchiliq qilghan qelbinur sidiq xanim, lagérda körgen ehwallarni ashkarilimasliq sherti bilen 2019-yili 9-öktebir küni dawalinish namida ürümchidin ayrilip gollandiyediki qizining yénigha kelgenidi.

Lagérda oqutquchiliq qilish jeryanida her jehettin éghir zerbige uchrap, salametlikidin ayrilghan qelbinur sidiq xanim gollandiyede bir mezgil dawalan'ghandin kéyin, 2020-yili 2-aydin bashlap xelq'ara taratqularda özi oqutquchi bolup ishligen ürümchidiki lagérlarda körgen heqiqiy ehwallarni üzlüksiz ashkarilap kelgenidi.

Qelbinur sidiq xanimning b b s agéntliqi qatarliq xelq'ara taratqulargha bildürüshiche, u taratqularda ashkara halda xitayning ürümchidiki lagérliri heqqide guwahliq bergendin buyan, özi we ürümchidiki qérindashliri üzlüksiz tehditke uchrap kelgen.

Xitay dölet bixeterlik idarisi xadimining gollandiyediki lagér shahiti qelbinur sidiq bilen ékranda sözlishiwatqan körünüshi. 2021-Yili féwral.

31-Mart küni qelbinur sidiq xanim radiyomiz ziyaritini qobul qilip, gollandiyege kelgendin buyan axirqi qétim yeni 2-ayning 17-küni ürümchidiki xitay dölet bixeterlik saqchilirining uning hedisi we bashqa qérindashlirini saqchi idarisige chaqirip kélip, uning bilen ündidar ékranida qilghan tehditlik söhbitining tepsilatini anglatti.

Yuqiriqi awaz ulinishidin söhbetning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet