Xitay soti bügün öktichi sen'etkar ey wéywéyning naraziliq erzini ret qildi

Xitay soti bügün öktichi sen'etkar ey wéywéyning naraziliq erzini ret qildi. Ey wéywéy béyjing da'iriliri teripidin baj qachurush bilen eyiblen'gendin kéyin, uninggha 2 milyon 400 ming dollar jerimane qoyulghan idi. Emma bügün uning qarargha étiraz bildürüp, yuqiri sotqa yollighan axirqi qétimliq erzimu ret qilin'ghan.
Muxbirimiz irade
2012-09-27
Share


Ey wéywéy bügün muxbirlargha bergen bayanatida sot da'irilirining özi we adwokatigha sözlesh pursitimu bermigenlikini bildürgen. Emma u yene "Men netijidin heyran qalmidim. Chünki xitayda sotning musteqil emeslikini bilimen" dégen. Ey wéywéy mundaq dégen :

Men sotchidin sen kompartiye ezasimu, dep soridim. Elwette, u méning su'alimgha jawab bermidi. Andin men "Nomussizlar, bu nomus untullmaydu" dédim.

Ey wéywéé muxbirlargha bu ishning tügigenlikini, lékin bundin kéyin qandaq bir heriket qilidighanliqi üstide téxi oylashmighanliqini éytqan.

Sen'etkar ey wéywéé xitay hökümitige qaratqan ochuq - ashkara tenqidi bilen hökümetning qara tizimlikige élin'ghandin kéyin, uninggha baj qachurush jinayiti artilghan idi. Da'iriler 2009 - yili uning chetke chiqishini tosidi. Ereb bahari mezgilide da'iriler uni öyidin ep kétip, 81 kün qanunsz halda tutup turghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet