Атуш шорлуқта бир түркүм уйғур яшлири тутқун қилинған

Радио аңлиғучилиримизниң инкас қилишичә, 14-, 15-өктәбир күнлири хитайниң атуш шәһиридики сақчилири җиддий һәрикәт елип берип, атушниң шорлуқ дегән мәһәллисидә бир түркүм яшларни тутқун қилған.
Мухбиримиз шөһрәт һошур
2012.10.15

Толуқсиз мәлуматлардин қариғанда, тутқунлар бомба ясаш яки партлатқуч материялларни сақлаш гумани билән тутқун қилинған. Инкас қилинишичә, сақчилар тутқун давамида, нормал қануний тәртипләрни бузуп ташлап, йерим кечидә өй-өйдә тәкшүрүш елип барған; тәкшүрүш җәрянида, аилиләргә һечқандақ қануний рәсмийәт көрситилмигән; аилиләрдики анилар, балилар вә яшанғанларму зораванлиқиниң зәрбисигә учриған.

Буниңдин икки һәптә илгири, қәшқәр қағилиқтики бир һәрбий газарма, мотсиклитлиқ партлитиш һуҗумиға учриған иди. Муһаҗирәттики уйғур көзәткүчиләр, қағилиқтики һуҗумдин кейин хитай сақчилириниң интиқам туйғуси билән һәрикәткә өткәнликини вә районда кәң-көләмдә тутқун башлиғанлиқини пәрәз қилишмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.