Хитайдики81 нәпәр әйдиз кесәллики гриптари дөләтни хизмәтчи қобул қилишта саламәтлик өлчимини бикар қилишқа чақирди

1‏- Декабир күни хәлқаралиқ әйдиз күнидур. Бу күн һарписида хитайдики 81 нәпәр әйдиз кесили гриптари хитайниң дөләтлик әмгәк идариси вә сәһийә министирлики қатарлиқ орунларға мураҗәтнамә йоллап, хитайда ишчи-хизмәтчи қобул қилишта саламәтлик өлчимини бикар қилишни тәләп қилған. Улар мураҗәтнамисидә мәзкур өлчәмлик, хитайдики әйдиз бимарлириниң һәқ-һоқуқиға дәхли тәрүз қилғанлиқини билдүргән.

Хитай сәһийә министирликиниң өктәбирниң ахирида елан қилған доклатидин ашкарилинишичә, хитайдики әйдиз бимарлириниң сани 370миң болуп, әйдиз кесили билән өлгәнләрниң сани 68 миңдур. Йәнә алақидар докилатларда баян қилинишичә, хитай бойичә 5 өлкә вә аптонум районда әйдизниң тарқилиши әң еғир болуп, буларниң бири уйғур аптонум районидур. Бу мәлуматларға асасланған уйғур көзәткүчиләр, йеқинқи йиллардин бери уйғур елида әйдиз билән өлгән уйғурларниң саниниң аз дегәндә 10 миңдин юқури болуши мүмкинликини молчәрлимәктә. Уйғур районида әйдиз кесәллириниң тарқилиш вә әйдиз бимарлириниң өлүш нисбитиниң юқури болуши, хитайниң уйғур районидики йәрлик хәлқләрниң саламәтлик вә бихәтәрлик әһвалиға қәстән яки қәстсиз һалда бипәрва қарап келиватқанлиқиниңму нәтиҗиси дәп қаралмақта.  Дуня сәһийә тәшкилати дуня җамаәтчиликигә әйдиз кесәлликиниң хәвпини һес қилдуруш вә әйдиз бимарлириға көңүл бөлүшни әмәлийләштүрүш үчүн, 1 ‏-дикабирни әйдиз күни қилип бекиткән вә хатирилинип кәлмәктә.