Ташқи сиясәт журнилида ғәйрәт нияз тонуштурулди

“намсиз қәһриманлар” дәп исим қоюлған бу мақалидә ғәйрәт нияз билән бирликтә дунядики охшимиған район вә милләтләрдин болуп, җәмий 12 киши тонуштурулған. Мақалидә мундақ дейилгән:
Адаләтсизликкә қарши күрәш қиливатқан бир қисим қәһриманлар дуня җамаәтчиликигә толиму натонуш. Әмма бу, уларниң тонулушқа лайиқ әмәсликини ипадиләп бәрмәйду. Төвәндикилири мана бу кишиләр ичидики диққәт қилишқа әрзийдиғанлиридур.

Мақалидә ғәйрәт ниязниң уйғур елидики тонулған тор бекәтләрдин уйғур биз ториниң тәһрири икәнлики, униң 2009-йилидики үрүмчи вәқәсидә чәтәл мухбирлириға сөз қилғанлиқи үчүн хитай даирилири тәрипидин “дөләт бихәтәрликигә тәһдит пәйда қилиш” җинайити билән 15 йиллиқ қамақ җазасиға һөкүм қилинғанлиқи һәққидә мәлумат берилгән. Шуниң билән бир вақитта даңлиқ тор бәт қурғучилиридин дилшат пәрһат, нурәли, ниҗат азадларниңму уйғур ели сот даирилири тәрипидин қамаққа елинғанлиқи тилға елинған.

Мақалидә өзбекистан, түркмәнистан, әзәрбәйҗан, сәуди әрәбистан, еритирийә, һиндонезийә қатарлиқ дөләтләрдики ғәйрәт нияз билән тәқдирдаш кишилик һоқуқ актиплириниң иш излири тонуштурулған.