'5 - Июл вәқәсиниң гумандари' дәп тутулған шөһрәт турсунниң җәсити аилисигә қайтурулди

Радио аңлиғучилиримиздин мәлум бир кишиниң өзи ихтияри билән хәвәр қилишичә, '5 - июл вәқәсиниң гумандари' дәп үрүмчидә қолға елинған шөһрәт турсунниң җәситини, бүгүн, 19 - сентәбир, үрүмчи вахти чүштин кейин саәт 2 дә, сақчилар қорғас наһийисиниң ләнгәр йеза йеңиават кәнтидики аилисигә әкилп берип, униң дадиисиға, җәсәтни дағдуға қилмайла йәрликтә қоюшни, һаза ачмаслиқни буйриди.
Мухбиримиз вәли
2009.09.19
Urumqini-qaplighan-xitay-armiyisi-305.jpg 9 - Ийул күни, үрүмчигә машина - машина билән бесип кириватқан хитай қораллиқ қисимлиридин бир көрүнүш.
AFP Photo

Ләнгәр сақчи понкитиниң башлиқи әнвәрниң телефон арқилиқ җавап беришичә, җәсәтни тапшуруп алған аилә, җәсәттә таяқ излири барлиқини көргәндин кейин, уни әртә йәрликтә қоюшни рәт қилған.
 
Йәрлик аһалилардин бир кишиниң баян қилишичә, сақчилар бу мәһәллигә 8 аптомобил қораллиқ сақчи вә 2 бровник билән келип турсун ишан (шөһрәт турсунниң дадиси) ниң өйини қоршивалған.

Бу кәнттики орманза мичиитниң имами алим қари, вәқәниң кеңийип кетишиниң алди елиш үчүн, у һазир, һазидарға тәрбийә бериватқанлиқини баян қилди.

Хәлқарадики мунасивәтлик тәшкилатлар, шәхисләр һазир бу вәқәни ениқлашқа киришти.
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.