خىتاي دائىرىلىرى موڭغۇل پائالىيەتچىسى خادانى قويۇپ بېرىشتىن ئىلگىرى ئۇنىڭ ئايالىنى تۇتۇپ كەتكەن

مەلۇم بولۇشىچە، خىتاي تۈرمىسىدىكى موڭغۇل پائالىيەتچىسى خادانىڭ جازا مۇددىتى يېقىندا توشىدىغان بولۇپ، خىتاي دائىرىلىرى خادانى قويۇپ بېرىشتىن ئىلگىرى ئۇنىڭ ئايالىنى تۇتۇپ كەتكەن.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2010-12-04
Share

خادانىڭ ئوغلى ۋېي لېسى نىڭ شەنبە كۈنى بىرلەشمە ئاگېنتلىقىغا بىلدۈرۈشىچە، ئۆتكەن جۈمە كۈنى 10 دەك خىتاي ساقچىسى كىتابخانىغا باستۇرۇپ كىرىپ، ھېسابات دەپتىرى ۋە كومپيۇتېرنى مۇسادىرە قىلغان ۋە خادانىڭ ئايالى شىنانىمۇ تۇتۇپ كەتكەن.

ئىچكى موڭغۇللۇق پائالىيەتچى خادا موڭغۇل ئۆكتىچى ھەرىكىتىنىڭ باشلامچىسى بولۇپ، ئۇ جەنۇبى موڭغۇلىيە دېموكراتىك ئىتتىپاقىنى قۇرۇشقا قاتناشقان.

خادا 1996- يىلى، بۆلگۈنچىلىك ۋە جاسۇسلۇق جىنايىتى بىلەن ئەيىبلىنىپ، 15 يىللىق قاماق جازاسىغا ھۆكۈم قىلىنغان.

خادا تۈرمىگە تاشلانغاندىن بۇيان، خادانىڭ ئايالى شىنا يولدىشىنىڭ ئەھۋالى ۋە ئۇ، تۈرمىدە يولۇقۇۋاتقان مۇئامىلىلەر ھەققىدە خەلقئارا مەتبۇئاتلارغا كۆپ قېتىم مەلۇمات بەرگەن ئىدى.

خەۋەردە كۆرسىتىشىچە، بۇ نۆۋەتلىك ھەرىكەتنى ئىچكى موڭغۇل پايتەختى خۇخوت شەھىرى سەيخەن رايونلۇق ساقچىخانا ئېلىپ بارغان بولۇپ، ساقچى دائىرىلىرى بۇ ھەقتە توختىلىشنى رەت قىلغان

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت