Xitay kambodzhadin qayturulghan Uyghurlar heqqidiki so'allargha jawab bérishtin özini qachurmaqta

Kambodzhadin qayturulghan Uyghurlardin 16 nepirige 16 yilliqtin muddetsizge qeder perqliq qamaq jazaliri bérilgenliki dunyagha ashkarilan'ghandin kéyin, xelq'ara teshkilat we metbu'atlar xitaydin mezkur Uyghurlarning teqdiri heqqide qaytidin melumat sorashqa bashlidi.
Muxbirimiz shöhret hoshur
2012.01.30

Ötken hepte roytéris agéntliqi Uyghur rayonluq hökümet bayanatchisidin mezkur jazalar heqqide melumat sorighan. Xitay bayanatchi bu jazalardin xewersiz ikenlikini bildürgen. Tünügün kambodzhada chiqidighan pompen pochtisi géziti xitay we amérika elchixanilirigha we dunya Uyghur qurultiyigha élxet yollap mezkur ehwal heqqide melumat sorighan.

Amérikining kambodzhadiki elchixanisi jazalar heqqidiki xewerni anglighanliqini, emma xewerlerning téxi musteqil menbeler teripidin ispatlanmighanliqini bayan qilghan. Xitay elchixanisi bolsa, mezkur ehwallarni téxi sürüshte qilip qilip körmigenlikini bayan qilghan. Dunya Uyghur qurultiyi bergen jawabida mezkur jazalarni qebih bir zorwanliq dep tenqid qilghan.

Xitayning bu qétim jaza heqqidiki xewerlerni aldirap ret qilmasliqi, xelq'ara jama'etning mezkur Uyghurlarning teqdirige qarita diqqet-étibarlirini kücheytmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.