خىتاي ھۆكۈمىتى رامىزان مەزگىلىدە ئۇيغۇرلارنى چەكلەشنى كۈچەيتمەكتە

رامىزان كىرگەندىن بۇيان، يەرلىك خىتاي ھۆكۈمىتى ئۇيغۇر ئېلىدە ئۇيغۇرلارنىڭ روزا تۇتۇش ئىشلىرىنى چەكلەشنى ۋە باشقا شەكىلدىكى نورمال دىنىي پائالىيەتلىرىگە قارىتىلغان چەكلەشنى كۈچەيتكەن بولۇپ، نيۇ - يورك ۋاقىت گېزىتى ۋە ئاۋسترالىيىدە چىقىدىغان خەلقئارا ئۇچۇر مۇنبىرى (The International Herald Tribune ) قاتارلىق نوپۇزلۇق مەتبۇئاتلاردا بۇ ھەقتىكى خەۋەرلەر ئېلان قىلىنىشقا باشلىدى.
ﻣﯘﺧﺒﯩﺮﯨﻤﯩﺰ ﺟﯜﻣﻪ ﺧﻪﯞﯨﺮﻯ
2008.09.08

 نيۇ - يورك ۋاقىت گېزىتىدە 8 - سېنتەبىر ئېلان قىلىنغان خىتاينىڭ ئۇيغۇر ئېلىدە رامىزانغا قارىتا چەكلىمە قويۇۋاتقانلىقىغا ئالاقىدار بىر پارچە ماقالىدە كۆرسىتىلىشىچە، يەرلىك ھۆكۈمەت كادىرلىرى ئۆز دائىرىسىدىكى مەسچىتلەرنى رامىزان مەزگىلىدە ھەپتىدە ئىككى ۋاق تەكشۈرىدىكەن.

ئالدىنقى ھەپتە رادىئومىز بۇ ھەقتە بىر تەپسىلىي مەلۇمات ئېلان قىلغان بولۇپ، بىز ئىگىلىگەن خەۋەرلەرگە قارىغاندا، ھازىر ئۇيغۇر ئېلىدە رامىزان مەزگىلىدە، مۇسۇلمان ھۆكۈمەت كادىرلىرى ۋە ئوقۇتقۇچى - ئوقۇغۇچىلارنىڭ روزا تۇتۇشى بىردەك چەكلەنگەندىن سىرت، بەزى جايلاردا مۇسۇلمان ئاشخانىلىرىنىڭمۇ رامىزان ۋاقتىدا تاقاپ قويۇش چەكلەنگەن.

نيۇ - يورك ۋات گېزىتىدە ئېلان قىلىنغان ماقالىدە كۆرسىتىلىشىچە، ئۇيغۇر ئېلىدە رامىزان مەزگىلدە يولغا قويۇلغان بۇ خىل چەكلەش ۋاسىتىلىرىنىڭ رامىزاندىن كېيىن ئازراق بوشىتىلىشى ۋە ياكى داۋاملىق يولغا قويۇلىدىغانلىقى تېخىچە نامەلۇم.
 
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.