Rusiye parlamént ezaliri we buddistlar dalay lamani rusiyige teklip qilmaqchi

Rusiye parlaméntining tibetlerni qollaydighan parlamént ezaliri hemde rusiyidiki budda dini teshkilatliri tibetlerning rohaniy dahiysi dalay lamani rusiyige teklip qilish qararigha kelgen bolup, mezkur jem'iyetler rusiye hökümitining dalay lamaning rusiyidiki buddizm rayonlirini ziyaret qilishigha ruxset qilishini telep qilghan.
Muxbirimiz ümidwar
2012.04.01

Amérika awazining xewer qilishiche, yéqinda putin prézidént saylimida ghelibe qilghandin kéyin, dalay lama uni tebrikligen idi. Rusiyidiki tibetni himaye qilidighan teshkilatlar we jama'et 4 - ay ichide moskwadiki pushkin meydanida yighilish ötküzüp, tibetlerning özini köydüriwélish weqeliri we dalay lamaning rusiye ziyariti heqqide jama'et pikri hasil qilishni pilanlighan.

Ilgiri rusiye hökümiti xitay bilen munasiwetni dep dalay lamaning rusiyige kélishini tosup wiza bermigen idi. Rusiyidi'iki qalmaqiye, buriyatiye we tuwa jumhuriyetliri lama dinigha ishinidighan jumhuriyetlerdur. Bularning ahaliliri dalay lamaning öz jumhuriyetlirige kélishini kütmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.