'Teywen amérikidin f - 16 tipliq küreshchi ayropilan sétiwélishni xalaydu'

Teywen prézidénti ma yingju bügün " teywen hélihem amérikidin f - 16 tipliq küreshchi ayropilan sétiwélishni xalaydu " dédi. B b s ning xewer qilishiche, ma yingju bir chet'el muxbirining ziyariti jeryanida amérika bilen teywen otturisidiki herbiy sodining xitayning naraziliq bildürüshi tüpeyli amérika teripidin kéchiktürülgenlikini, emma teywenning dawamliq halda amérikidin qoral - yaraq sétiwélishni arzu qilidighanliqini ipade qilghan.
Muxbirimiz irade
2009.10.29
Share on WhatsApp
Share on WhatsApp

Teywen prézidénti ma yingju yene:" biz amérikining ilghar téxnikiliq f - 16 tipliq küreshchi ayrupilanlirini sétiwalmaqchi. Emma amérika tereptin bizning bu telipimizge qarita téxi resmiy bir jawab kelmidi" dégen we buning sewebini xitayning qarshiliqi dep körsetken.

Melum bolushiche, teywende hazir f - 16 tipliq küreshchi ayrupilanlar mewjut bolsimu, emma ular f - 16 küreshchi ayrupilanining téximu yuqiri téxnikigha ige bolghinini sétiwélishni we téximu küchlük bolghan herbiy qorallargha ige bolushni arzu qiliwatqan iken.

Teywen prézidénti mayingju ötken hepte bayanat bergende, xitay hökümitini teywen'ge qaritip tiklep qoyghan bashqurulidighan bombilirini éliwétishke chaqirghan, eksiche bolghanda xitay bilen tinchliq söhbiti élip bérishning orunsiz ikenlikini körsetken idi.

Ma yingju sözide yene, teywenning xitay bilen herbiy hazirliqlar musabiqisige chüshmeydighanliqini, emma özini qoghdash uchun amérikidin yene köplep qoral sétiwalidighanliqini bildürgen.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet