Dalay lama: tibet weziyiti nahayiti jiddiy ehwalda

Tibet rohani dahisi dalay lama charshenbe küni tibet weziyitining nahayiti jiddiy ehwalda turuwatqanliqini agahlandurup, tibet xelqining yene isyan kötürüsh éhtimali barliqini bildürdi.
Muxbirimiz erkin
2009-02-11
Share

Dalay lama bu sözlerni gérmaniyining badén badén shehiride élip barghan ziyariti jeryanida tekitligen bolup, u" bügün u yerde ghezep - nepret chékige yetti.... Weziyet nahayiti jiddiy " dégen.

Kéler ay tibet xelqining 1959 ‏ - yili kommunistik hakimiyetke qarshi élip barghan xelq qozghilingining 50 yilliqi toshudighan ay bolup, dalay lama weziyetning özini nahayiti endishige séliwatqanliqini, chünki tibetning her waqit isyan partlash girdabida turuwatqanliqini bildürgen. U mundaq deydu ": zorawanliqning her waqit yüz bérish éhtimali bar. Méning endishe qilidighinim isyan yüz berse téximu köp basturush élip bérilidighanliqidur. Ishlar nahayiti köngülsiz."

Dalay lama badén badénda muxbirlarni kütüwalghan shu küni xitayning shinxu'a agéntliqi xewer tarqitip, 2008 ‏ - yili 14 ‏ - marttiki tibet isyanidin kéyin zorawanliqqa qatnashqan 76 tibetlikning jazalan'ghanliqini, az kem minggha yéqin tibetlikning qolgha élin'ghanliqini ilgiri sürgen. Lékin xitay hökümiti ilgiri jazalan'ghan tibetliklerning sanini 55 dep élan qilghan idi.

Da'iriler 14‏ - mart lxasa isyanida 22 ademning ölgenlikini élan qilghan bolsimu, lékin hindistandiki tibet sergerdan hökümiti ölgenlerning 200 din ashidighanliqini jakarlighan. Dalay lama badén badéndiki sözide " ölüm jazasini ashkara élip bérish tes bolghanliqtin qolgha élin'ghan tibetlikler ten jazasigha uchrimaqta. Kishilerge qolgha élin'ghan haman ten jazasi bérilmekte, bezide ularning ölüshini keltürüp chiqarmaqta" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet