Хитай кишилик һоқуқ ақ ташлиқ китаби елан қилди

26 - Сентәбир күни хитай дөләт ишлири кабинети өзиниң 2009 - йиллиқ кишилик һоқуқ ақ ташлиқ китабини елан қилди.
Мухбиримиз үмидвар
2010.09.26

Хитайниң шинхуа ториниң хәвәр қилишичә, "җуңгониң 2009 - йилидики кишилик һоқуқ ишлириниң тәрәққияти" дәп аталған мәзкур ақ ташлиқ китабта хитайниң қанунни иҗра қилиш вә әдлийә саһәсидә кишилик һоқуқни капаләткә игә қилишниң күчәйтилип, пуқраларниң сиясий һоқуқи, яшаш һоқуқи қатарлиқларниң һәммисидә зор яхшилиниш болғанлиқи баян қилинған.
 
Доклатта йәнә аз санлиқ милләтләрниң һоқуқлириниңму зор дәриҗидә капаләткә игә қилинғанлиқи көрситилгән. Пүтүнләй өзини махташ билән толған мәзкур ақ ташлиқ китаб бир қисим хәлқаралиқ кишилик һоқуқ тәшкилатлириниң тәнқидигә учриған.
 
Б б с агентлиқиниң хәвиригә асасланғанда, кишилик һоқуқни көзитиш тәшкилатиниң асия ишлири бөлүминиң мәсули софийә ричардсон бу доклатта хитайда кишилик һоқуқ мәсилисиниң растчиллиқ билән баһаланмиғанлиқини, хитайниң әмәлийәттә кишилик һоқуқ ташлиқ китаби елан қилиш әмәс, бәлки хитайниң хәлқаралиқ вә ички қанунлирини әмәлийләштүрүп, кишилик һоқуқни капаләткә игә қилиши лазимлиқини билдүргән.
 
Чегрисиз мухбирлар тәшкилати, хәлқара кәчүрүм тәшкилати, кишилик һоқуқни көзитиш тәшкилати изчил түрдә хитайниң кишилик һоқуқ хатирисини, җүмлидин уйғурларниң кишилик һоқуқлириниң дәпсәндә қилинишиниң давамлиқ еғирлишиватқанлиқини изчил тәнқид қилип кәлгән иди.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.