'Хитай даирилири оғрилап кәтти' дәп қариливатқан әқлий мүлүкни тәкшүрүш тәләп қилинди

Икки нәпәр палата әзаси дүшәнбә күни америка ташқи сода комитети мәсуллири билән сөзлишип, "хитай даирилири оғрилап кәтти" дәп қариливатқан әқлий мүлүк мәһсулатлириниң америка иқтисадиға көрсәткән тәсирини тәкшүрүшни тәләп қилди.
Мухбиримиз җүмә
2010-04-19
Share

Мәлум болушичә, америка кеңәш палатаси малийә комитети рәиси мәкс баукус вә палата әзаси чук грасслей қатарлиқлар ташқи сода комитети рәиси шара араноф билән бу һәқтә рәсмий сөзләшкән.

Франсийә агентлиқида нәқил қилишичә, баукус: "хитай һөкүмитиниң хитайда америка әқлий мүлүклириниң һәддидин ташқири дәриҗидә оғрилинип кетишини үнүмлүк тосмаслиқи нәтиҗисидә, америка ишчилири, америка иқтисади вә америка сода - санаити еғир бәдәл төлимәктә," дегән.

Палата әзаси грасслей болса, хитайниң америка мәһсулатлирини һәддидин ташқири дәриҗидә көчүрүп ясиши нәтиҗисидә америка тәрәпниң милйонлап зиян тартиватқанлиқини билдүргән.

Палата әзалири ташиқи сода комитети рәисидин бу һәқтики доклатни бу йил ноябирда бир қетим вә келәр йили майда бир қетим тапшурушни тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт