Мәһбуслардин орган кесивелиш фалунгоңчиларғила әмәс, тибәтләр вә уйғурларғиму кеңәйтилмәктә

Америка авазиниң баян қилишичә, америка, канадалардики фалунгоң тәшкилатлири дүшәнбә күни америка дөләт мәҗлисидә ачқан ахбарәт йиғинида, хитайда йүз бәргән 'адәм бәдинидин орган кесивелиш' вәқәлирини тәкшүрүп -ениқлап китаб язған, 2010‏ - йиллиқ нобил тинчлиқ мукапатиниң намзатлиқиға көрситилгән канадалиқ адвокат давит, хитайда өлүм җазасиға һөкүм қилинғанларниң органлирини кесивелиш ашкара елип берилатти, кейничә фалунгоңчиларға кеңәйтти, һазир униңдин тибәтләргә, уйғурларға вә мәхпий диний тәшкилатларға кеңәйтмәктә, дәп җакарлиған.
Мухбиримиз вәли
2010.04.28

Хәвәрдә ейтилишичә, хитайда 2009‏ - йили 8‏ - айниң 25 күнидин кейин 'орган тәқдим қилиш' рәсмий башланди. Хитай һөкүмитиниң статестика мәлуматлириға қариғанда, хитайда һәр йили орган алмаштурушқа тизимлатқан адәм сани бир милйон, әмма аран 10 миң адәм опиратсийә қилғузалайду, чүнки орган тәқдим қилидиғанларниң сани бир милйон адәмниң ичидә аран 0.03 Ни тәшкил қилиду, һазир хитайда қараңғу базарда бир бөрәкниң баһаси 200 миң юән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.