Sabiq mehbus memettursun osman: kamérdishim éli abduqadir anisini heremge aparghanliqi üchün éghir ten jazasigha uchridi

Muxbirimiz shöhret hoshur
2019-08-07
Élxet
Pikir
Share
Print
Ezherdiki esnem Uyghur ashxanisining ashpizi memettursun osman ependi.
Ezherdiki esnem Uyghur ashxanisining ashpizi memettursun osman ependi.
RFA/Shöhret Hoshur

Xitayning ürümchi we xotendiki 3 qamaqxanisida bir yilche yétip chiqqan sabiq mehbus memettursun osman, özining xoten wilayetlik dölet bixeterlik qamaqxanisida yatqan mezgilidiki eslimilirini bayan qilip, kamérdishi éli abduqadirning anisini heremge élip barghanliqi we bu jeryanda misirda toxtap ötkenliki üchün tutulghanliqi we éghir ten jazasigha uchrighanliqini pash qildi. Muxbirimizning xoten'ge qarita élip barghan téléfon ziyaretliri dawamida éli abduqadirning qaraqash nahiye yawa yéza bazarboyi kentining ahalisi ikenliki delillendi.

Sabiq mehbus memettursun osman bilen ötküzgen söhbitimiz dawamida, u kamérdishi éli abduqadirning anisini heremge apirip ekelgenliki üchün tutulghanliqi we diniy ustazining kim ikenliki heqqide soraqqa tartilip, éghir ten jazasigha uchrighanliqini bayan qildi. Memettursun osman éli abduqadirning nahiye we yéza tewelikini esliyelmidi. Emma uning niye yaki qaraqash nahiyesidin bolush éhtimalliqini ilgiri sürdi. Niye nahiyesidiki saqchi xadimliri éli abduqadirni tonumaydighanliqi we tonughan teqdirdimu melumat bérelmeydighanliqini éytti.

Sabiq mehbus memettursunning bayan qilishiche, u éli abduqadir bilen özi üchinchi qétim yötkelgen qamaqxana-xoten wilayetlik dölet bixeterlik qamaqxanisidiki b 2-nomurluq kamérda 2017 ‏-yili 5 ‏-ayda bille yatqan. U bu qamaqxanining shara'itliri we ilgiri özi yatqan qamaqxanidin perqliri heqqide munularni bayan qilidu. Uning déyishiche bu qamaqxanigha mexsus misirdin qaytqan kishiler qamalghan. Éli abduqadir apisi bilen hej sepiride bir mezgil misirda turghanliqi üchün bu qamaqxanigha qamalghan.

Éli abduqadirning éghir ten jazasigha uchrighanliqini öz közi bilen körgenliki we yarisini tangghanliqini bayan qilghan memettursun osman؛ éli abduqadirning ikki kamérdishida ich aghriqi peyda qilmasliq üchün öz jarahitini yoshurushqa tirishqanliqini tilgha aldi.

Memettursun osmanning déyishiche, éli abduqdir ten jazasidin qutulush üchün saqchilarning kütkini boyiche atalmish bölgünchilik we térrorluq jinayetlirini boynigha alghan.

Memettursun qamaqtin chiqqanda, éli abduqadir téxi qamaqta qépqalghan bolghachqa uning qanche yil késilgenlkidin xewersiz qalghan.

Biz, éli abduqadirning jaza késimi we nopus tewelikini éniqlash üchün qariqash nahiyesigimu téléfon qilduq. Qaraqashning yawa yéza saqchi xadimi misirdin qaytip kelgen éli abduqadirning yawa yéza bazarboyi kentidin ikenlikini ashkarilidi. Emma u éli abduqadirning tutulush sewebidin xewersiz ikenlikini éytti. Yawa yézisidiki xadimlardin biri anisini heremge aparghanliqi üchün tutulghan éli abduqadirning yawa yézisining bazar boyi kentidin ikenlikini delillidi. Emma u éli abduqadirning qanche yil késilgenliki we nöwette qaysi jaza lagérida ikenliki heqqidiki so'alimizgha, özining bazarboyi kentidin 8 kilométirche yiraqliqta olturidighanliqini seweb körsitip, uning jaza mudditidin xewersizlikini éytti.

Sabiq mehbus memettursun osmanning bayan qilishiche, bu qamaqxanida ten jazasigha uchrawatqanlar yalghuz éli abduqadir emes. U bu qamaqxanining bir qewitide 10 soraqxana barliqi, soraq 24 sa'et dawam qilidighanliqi, bu 24 sa'et dawamida soraqxanilardin qiya-chiya awazlarning üzülmeydighanliqini bayan qildi. U yene saqchilarning özini: "Iqrar qilmisang, bu qamaqxanidin mushu bir ay ichide chiqqan 24 ‏-ölük sen bolisen" dep chöchütüwetkenlikini eskertti.

Melum bolushiche, bu yil 51 yashqa kirgen éli abduqadir yawa yézisida yük toshush mulazimiti bilen shughullinip kéliwatqan, yeni shopurluq kespi bilen tirikchilik qiliwatqan we 4 balining dadisi bolghan adettiki bir ahalidur.

Hörmetlik radi'o anglighuchilar, yuqirida, xoten qaraqashliq éli abduqadirning anisini heremge aparghanliqi üchün diniy esebiylik gumani bilen tutqun qilin'ghanliqi we qamaqxanida éghir ten jazasigha uchrighanliqi heqqide anglitish berduq.

Toluq bet