Dunya Uyghur qurultiyining mu'awin re'isi shiwétsiyede ziyarette boldi

Dunya Uyghur qurultiyining qazaqistanda turushluq ottura asiyagha mes'ul mu'awin re'isi abdurishit turdi shiwétsiyede ziyarette boldi. 2014-Yili mart.

Dunya Uyghur qurultiyining qazaqistanda turushluq ottura asiyagha mes'ul mu'awin re'isi abdurishit turdi firansiyediki pa'aliyitini ghelibilik ayaghlashturghandin kéyin, dunya Uyghur qurultiyining orunlashturushigha asasen bir qatar pa'aliyetlerde bolush üchün shiwétsiyege yitip keldi.

Abdurishit turdi shiwétsiyede turushluq dunya Uyghur qurultiyining bayanatchisi dilshat rishitning hemrahliqida, sitokholm uniwérsitétidiki we köchmenler idarisi qatarliq orunlardiki munasiwetlik erbablar bilen Uyghur diyarining yéqinqi weziyiti, ilham toxti qatarliq wijdan mehbusliri mesilisi, qazaqistandin panahliq telep qilip kéliwatqan Uyghurlarning shiwétsiyege yerlishish ehwali qatarliq mesililer üstide dunya Uyghur qurultiyining teleplirini otturigha qoydi.
Abdurishit turdi 3-ayning 5-küni “Uyghur ma'arip uyushmisi”ning teklipi bilen bayanatchi dilshat rishit we “Uyghur komitét” ning idare hey'iti abdumijitlarning hemrahliqida “Uyghur ma'arip uyushmisi” diki nijat turghun bashliq idare hey'etliri bilen söhbette boldi.

Söhbette aldi bilen abdurishit turdi qazaqistandiki Uyghurlarning salimini yetküzüsh bilen birge, qazaqistandiki Uyghurlarning qolgha keltürgen netijilirini anglatti.

Andin “Uyghur ma'arip uyushmisi”ning re'isi nijat turghun shiwétsiyede qilin'ghan pa'aliyetler toghrisida melumat berdi.

Abdurshit turdi “Uyghur ma'arip uyushmisi”diki hey'etler bilen bundin kéyinki xizmetler toghrisida öz-ara pikir almashturdi.

Bu heqte tepsiliy melumat élish üchün abdurishit turdini ziyaret qilduq.

Tepsilatini yuqiridiki awaz ulinishidin anglighaysiler.