D u q re'isi rabiye qadir xanim firansiyede ziyarette boldi

Ixtiyariy muxbirimiz erkin tarim
2015-01-20
Share
firansiye-uyghur-jemiyiti-saylam-1.jpg Parizh sheherlik hökümet binasining ichidiki zalda ötküzülgen firansiye Uyghur jem'iyiti bashqurush hey'iti saylimidin körünüsh. 2013-Yili dékabir, firansiye.
RFA/Erkin Tarim

D u q re'isi rabiye qadir xanim 1-ayning 19-küni firansiyede bir künlük ziyaret élip bardi. Rabiye qadir xanim, bu bir künlük ziyariti jeryanida firansiyening parizh shehiridiki bezi uniwérsitét mes'ulliri bilen uchrishish ötküzgen.

Bulardin sirt d u q re'isi rabiye qadir xanim firansiyediki bezi siyasetchiler, kishilik hoquq teshkilatlirining mes'ulliri, türk we Uyghur teshkilatlirining mes'ulliri bilen uchriship Uyghurlarning hazirqi weziyiti toghrisida melumat bergen.

Rabiye qadir xanim ötken yili 9-ayda amérikining jorji washin'gton uniwérsitétida chaqirilghan tunji nöwetlik xelq'araliq Uyghur tetqiqati yighinida dunyaning her qaysi jayliridin kelgen mutexessislerning Uyghurlarning tili, edebiyati, tarixi, medeniyiti we arxé'ologiyesi toghrisidiki yéngi tetqiqatlirini otturigha qoyghanliqi, mezkur yighinning ikkinchi nöwetlikining firansiyede échish qarar qilin'ghanliqini bayan qildi. U, Uyghur tetqiqati yighinining firansiyede échishtiki meqsiti toghrisidimu melumat berdi.

D u q re'isi rabiye qadir xanim firansiyege élip barghan bir künlük ziyaritini axirlashturup washin'gton'gha qaytti.

Tepsilatini awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet