Осман турсун: «хитай сақчилири мени үндәккә кәлтүрүш үчүн кичик оғлумни дубәйгә әвәткән»

Мухбиримиз шөһрәт һошур
2018-05-31
Елхәт
Пикир
Share
Принт
Германийә аһалиси осман турсунниң иккинчи оғли мәмтимин осман аилиси билән. (Осман турсун өзи тәминлигән)
Германийә аһалиси осман турсунниң иккинчи оғли мәмтимин осман аилиси билән. (Осман турсун өзи тәминлигән)
RFA/Shöhret Hoshur

Германийә аһалиси осман турсунниң баян қилишичә, хитай сақчилири уни үндәккә кәлтүрүш үчүн кичик оғли мәмәттурсунни бу йил 1‏-айниң 26-күни дубәйгә йолға салған.

Мәмәттурсун дубәйгә чиқивалғандин кейин хитай сақчилиридин йүз өрүп дадисиниң көрсәтмиси бойичә йол тутқан. Осман турсун оғли мәмәттурсунни у дубәйгә келип 3‏-күни үчинчи бир дөләткә йолға салған. Дубәйгә чиқиштин аввал хитай сақчилириниң 6 ай қаттиқ-юмшақ тәлим-тәрбийәсидин өткән мәмәттурсун дубәйдин чиқип кетиш үчүнму бәлгилик тәдбир қолланған вә тәвәккүлчилик қилған.

Германийәдә яшаватқан осман турсун хотәнниң гума наһийәсидики «йиғивелиш лагери» да йетиватқан өзиниң 3 оғли, бир туғқан қериндашлири вә қериндашлириниң оғуллири болуп, аилә тавабатидин 24 кишиниң әһвалидин әндишә қилип яшаватқан күнлиридә кичик оғли мәмәттурсундин телефон тапшурувалған. Тапшуривалғандиму хотәндин әмәс, бәлки әрәб бирләшмә хәлипиликидики дубәйдин тапшурувалған. Кичик оғли мәмәттурсун униңға хитай даирилириниң өзини лагердин чиқирип германийәдики дадиси билән йүзтуранә көрүшүшкә вә дадисиға хизмәт ишләп хитай үчүн җасуслуқ қилишқа мақул кәлтүрүшкә әвәткәнликини йәткүзгән.

Осман турсун оғлиға дубәйдин дәрһал үчинчи бир дөләткә кетишни ейтқан. Әмма мәмәттурсун үчинчи бир дөләткә кетип болғандин кейинму хитай сақчилири униң пешини қоювәтмигән. Дубәйдә дадиси билән учришишни тәләп қилған хитай сақчилири әмдиликтә униң дадиси билән көрүшүшини пүтүн күчи билән тосиған.

Осман турсунниң баян қилишичә, оғли мәмәттурсун 3 қетим телефон алмаштурғандин кейин ахирқи қетимда, йәни 1‏-май күүидин етибарән хитай сақчилириниң из қоғлишидин қутулған.

Пикирләр (0)
Share
Толуқ бәт