2012-Yildin bashlap sherqiy-jenubiy asiya arqiliq türkiyege qéchish dolquni qozghalghanidi. Xitayning siyasiy we diniy ziyankeshlikidin qachqan bu Uyghur musapirlirining ichide ayallar we balilar xéli zor salmaqni igileytti.
Eyni waqitta emdila ikki yashqa kirgen nazigül enwer bu musapirlar topidiki ata-anisiz "Hijret" ke chiqqan yéshi eng kichik musapir idi. Uning 2014-yili bashlan'ghan bu "Hijret" sepiri neq bir yil 7 ay dawam qilidu.
Axiri, u 2016-yili türkiyege kélip, bu yerdiki ata-anisi bilen jem bolushqa muyesser bolghan bolsimu, emma hemme Uyghur balisi uningdek teleylik emes idi. Bu seperde bezi balilar anisiz, bezi balilar atisiz qalidu. Uyghur musapirlar topidiki bu kichik "Hijretchi" qizchaq, nöwette türkiyediki melum bir bashlan'ghuch mektepning 1-yilliq oqughuchisi.
Biz 2-iyun küni 8 yashliq nazigül we uning dadisi enwer turdini ziyaret qilip, kichik nazigülning sherqiy-jenubiy asiya sepirini sözleshtuq. Töwende diqqitinglar muxbirimiz erkinning söhbet programmisida bolsun.
Yuqiridiki awaz ulinishidin programmining tepsilatini anglighaysiz.
