Бан кимун: дуняда һазир ирқчилиқ баш көтүрүватиду

Бүгүн бирләшкән дөләтләр тәшкилатиниң ирқчилиққа қарши туруш йиғини җәнвәдә башланди. Йиғинда, б д т ниң баш катипи банкимун 'дуняда һазир ирқчилиқ баш көтүрүватиду', 'һазир баш көтүрүватқан ирқчилиқниң ипадиси -- бир милләт башқа милләтни кәмситиш вә чәткә қеқиштин ибарәт, дәп көрсәтти.
Мухбиримиз вәли
2009.04.20
Share on WhatsApp
Share on WhatsApp
UN-bankimon-sozde-20April-305 Б д т секритари бан кимун әпәнди, 20 - апрелдики җинивада елчилған ирқчилиққа қарши йиғинда сөздә.
AFP Photo

Шундақла 'һазир дуняда баш көтүрүватқан бундақ ирқчилиққа вә һәрхил шәкилдики ирқий кәмситишкә хатимә бериш -- инсанийәтниң һазирқи җиддий вәзиписи' дәп тәкитлиди. Бу, б д т ниң 2001 ‏ - йили җәнубий африқида ечилған 'дурбан йиғини' дин буян, дуняда ирқчилиқни түгүтүш үчүн қилған йәнә бир тиришчанлиқи болуп һесаблиниду.
 
'Вики енскилопидийиси' ниң тәбиригә қариғанда, инсанларниң бир - биридин пәрқилинидиған қовмлири (милләт) ниң бәлгиси ирқ' дәп атилиду. Бир қовмниң өзидин башқа қовмни кәмситиши яки чәткә қеқиши ирқчилиқ' дәп қарилиду.

Һазир шиветсийидә туруватқан уйғур язғучиси абдуришит һаҗи кериминиң қаришичә, уйғурлар һазир дуняда еғир дәриҗидә ирқчилиққа дуч келиватқан бир милләт.

Һаҗи абдуришит керими әпәнди, б д т бу қетим җәнвәдә ечилған ирқчилиққа қарши туруш йиғинда оттуриға қойған тәклипни қизғин қарши алидиғанлиқини билдүрди вә пүтүн уйғур тәшкилатлирини, хитайниң уйғурларға қарита ирқий кәмситиш йүргүзиватқанлиқиниң әмәлий пакитлирини б д т гә йоллап, дуня арқилиқ хитайға ирқий кәмситишни тохтитиш һәққидә бесим ишлитишкә чақирди.

Б с ниң баян қилишичә, б д т ниң ирқчилиққа қарши туруш йиғини һазир давамлишиватиду. Бу йиғинниң хитабнамиси, буниңдин бурун бир қанчә қетимлиқ сөһбәт арқилиқ түзитилгән иди.

Лекин иран қатарлиқ дөләтләр буниңға қәтий қарши туруватқанлиқи үчүн, бу хитабнамидики аллиқачан түзүтүш киргүзүлгән исраилийә вә оттура шәрққә аит бәзи маддилар техичә өчүрүветилмәй сақлинип турған. Шуңлашқа америка, германийә, исраилийә, австралийә, канада, голландийә, полша, италийә қатарлиқ дөләт бу йиғинға қатнашмиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.