Қазақистанниң тонулған бокс маһирлири атақлиқ уйғур бокс теринери абликим абдурешитни әслиди

Уйғур аптоном районлуқ бокс идарисиниң башлиқи, атақлиқ бокс теринери, уйғур хәлқиниң мунәввәр пәрзәнти абликим абдурешитниң туюқсиз вапати пүткүл уйғур хәлқинила әмәс, бәлки қазақистанда униң билән бирликтә паалийәт елип барған атақлиқ бокс маһирлириниму қаттиқ ечиндурди.
Ихтиярий мухбиримиз ойған
2012.10.26
ablikim-abdureshit-boks-305.jpg Уйғур аптоном районлуқ тәнтәрбийә идарисиниң бокс теринери, мәшқавул абликим абдурешит.
dilkax.com

Мәлумки, абликим абдурешит башқурған боксчилар бир нәччә қетим қазақистанда болуп, у йәрдә өткән җумһурийәтлик вә хәлқара дәриҗидики бокс мусабиқилиригә қатнишип, зор нәтиҗиләргә еришкән иди. Өз нөвитидә қазақистанлиқ бокс теринерлириму уйғур елигә берип, тәҗрибә алмаштурған. Икки мәмликәт оттурисидики тәнтәрбийә һәмкарлиқини мустәһкәмләштә вә болупму уйғур боксчилиқиниң раваҗлинишида һәл қилғуч рол ойниған абликим абдурешит қазақистанлиқ боксчилар вә бокс ишқивазлиридиму яхши тәсират қалдурди.

Радиомиз зияритини қобул қилған қазақистан җумһурийитиниң хизмәт көрсәткән теринери, aiba ниң хәлқара дәриҗилик содийиси, қазақистан бокс асасчилиридин бири серк абдиналийеф вә қазақистан җумһурийитиниң хизмәт көрсәткән теринери хәмит бәрайеф мәрһум һәққидә әслимилирини баян қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.