نورۋېگىيە ئۇيغۇر كومىتېتى ئېچىلغۇسى قۇرۇلتاي ئۈچۈن سەپەرۋەرلىك يىغىنى چاقىردى
2012.02.07
نورۋېگىيە ئۇيغۇر كومىتېتى چاقىرغان ئېچىلغۇسى قۇرۇلتاي ئۈچۈن سەپەرۋەرلىك يىغىنىدىن كۆرۈنۈش. 2012-يىلى فېۋرال.
يىغىندا ئالدى بىلەن تەشكىلات باشلىقى پەرھات ياقۇپ ئەپەندى يىغىن قاتناشقۇچىلىرىغا د ئۇ ق نىڭ 4-نۆۋەتلىك ۋەكىللەر قۇرۇلتىيىنى چاقىرىش ھەققىدىكى باياننامىسىنى ئوقۇپ ئۆتتى. ئاندىن كېيىن قۇرۇلتايغا قاتنىشىشنىڭ شەرتلىرىنى ئوتتۇرىغا قويۇپ، يىغىنغا قاتنىشىشقا سالاھىيىتى توشىدىغان نامزاتلارنىڭ ئىسمىنى ئوقۇپ ئۆتتى ۋە باشقىلارنىڭ بۇلارغا قارىتا بەرگەن تەلەپ-پىكىرلىرىنى ئاڭلاپ ئۆتتى.
دۇنيا ئۇيغۇر قۇرۇلتىيىنىڭ نورۋېگىيىدە تۇرۇشلۇق مۇئاۋىن رەئىسى سەمەت ئابلا ئەپەندى 5-ئايدا چاقىرىلماقچى بولغان 4-قېتىملىق قۇرۇلتايغا ھەر قايسى دۆلەتلەردىن بارىدىغان ۋەكىللەرنىڭ سانى، سالاھىيىتى، يىغىنغا كېتىدىغان ئومۇمى چىقىم ۋە ھەر قايسى يەرلىك تەشكىلاتلارنىڭ يىغىنغا تاپشۇرۇشى كېرەك بولغان پۇلنىڭ مىقدارى ۋە ئۇنى قانداق ھەل قىلىشنىڭ ئۇسۇل-چارىلىرى ھەققىدە سۆزلەپ ئۆتتى. سەمەت ئابلا ئەپەندىنىڭ سۆزىدىن كېيىن يىغىن قاتناشچىلىرى ئىقتىساد مەسىلىسىنى ھەل قىلىشقا ياردىمى بولىدىغان تەدبىرلەر ھەققىدە مۇنازىرىلىشىپ بۇ ھەقتىكى ئۆزلىرىنىڭ مۇۋاپىق تەكلىپ-پىكىرلىرىنى ئوتتۇرىغا قويدى.
دۇنيا ئۇيغۇر قۇرۇلتىيىنىڭ 4-قېتىملىق يىغىنى ئۈچۈن مەخسۇس چاقىرىلغان بۇ قېتىمقى سەپەرۋەرلىك يىغىندا يىغىن ئەھلىنىڭ بىر قاتار مۇھىم بولغان پىكىر-قاراشلىرى ئوتتۇرىغا قويۇلغاندىن باشقا،يىغىنغا قاتنىشالمىغان، تەشكىلاتنىڭ باشقا شەھەرلىرىدە تۇرۇشلۇق رەھبەرلىرىگىمۇ تېلېفون قىلىنىپ، ئۇلارغا مەزكۇر يىغىننىڭ مەزمۇنى نەق مەيداندا يەتكۈزۈلگەن ۋە ئۇلارنىڭ پىكىرلىرىگىمۇ ئالاھىدە يەر بېرىلگەن.
كۆپ كۆرۈلگەن خەۋەرلەر
RFA
- ئەنگلىيەلىك يۇتۇبېر كۆرگەن تاقاقلىق مەسچىتلەر ۋە روزا تۇتۇش چەكلەنگەن ئۇيغۇرلار ۋەزىيىتى دىققەت قوزغىدى
- مۇتەخەسسىسلەر:«خىتايغا خۇشخەۋەر بولغان ئىشلار ئۇيغۇرلار ئۈچۈن شۇم خەۋەردۇر»
- خىتايغا قايتۇرۇلغان ئۇيغۇرلارنى «يوقلاش» قا ماڭغان تايلاند ۋەكىللەر ئۆمىكى ئاگاھلاندۇرۇلدى
- «شىنجاڭ ۋەكىللىرى» «دۆلەت ئورتاق تىل-يېزىقى قانۇنى» غا ئۆزگەرتىش كىرگۈزمەكچى
- كۆزەتكۈچىلەر: «خىتاينىڭ ئۇيغۇر ئېلىدىكى ئىسلاھات پىلانى ئۇيغۇرلارنى ئەمەس، بەلكى خىتاينىڭ ئۆزىنى باي قىلىدۇ»