ئارزىگۈل تۇرسۇننىڭ دادىسى تۇرسۇنجان ھەسەن قولغا ئېلىنغان

غۇلجا شەھىرىنىڭ دادامتۇ يېزا نوغايتۇ مەھەللىسىدىكى تۇرسۇنجان ھەسەن. بۇ يىل 7 ‏- ئاينىڭ 2 ‏- كۈنى دۆلەتنى پارچىلاشقا ئۇرۇنۇش گۇمانى بىلەن قولغا ئېلىنغان.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2009.10.29
Share on WhatsApp
Share on WhatsApp
uyghur-boway-305.jpg ﺋﯘﻳﻐﯘﺭ ﻛﻮﭼﯩﻠﯩﺮﯨﻨﯩﯔ ﺑﯩﺮﯨﺪﻩ ﻛﯧﺘﯩﭗ ﺑﺎﺭﻏﺎﻥ ﺋﯘﻳﻐﯘﺭ ﺑﻮﯞﺍﻱ.
RFA Photo

تۇرسۇنجان ھەسەن بۇلتۇر قىزى ئارزىگۈل تۇرسۇننىڭ ھامىلىسىنى پلانلىق تۇغۇت ئوپىراتسىيەسىدىن قۇتۇلدۇرۇش ئۈچۈن ھۆكۈمەتكە قارشى مەيداندا تۇرغان ۋە ساقچىلار بىلەن بىر قانچە قېتىم تىركەشكەن ئىدى.

مۇھاجىرەتتىكى ئۇيغۇر تەشكىلاتلىرىنىڭ ۋە ئامېرىكا پارلامېنت ئەزالىرىنىڭ ۋەقەگە ئارىلىشىشى بىلەن تۇرسۇنجان ھەسەن شۇ قېتىمقى كۈرىشىدە غەلىبە قىلغان. يەنى قىزى ئارزىگۈل تۇرسۇننىڭ ئوپىراتسىيەسى ئەمەلدىن قالدۇرۇلۇپ، نەۋرىسى ساق - سالامەت دۇنياغا كۆز ئاچقان ئىدى.

ئەمما شۇنىڭدىن كېيىن خىتاينىڭ يەرلىك ھۆكۈمەت تارماقلىرى تۇرسۇنجان ھەسەنگە ئۆچمەنلىك نەزىرىدە قاراشقا ۋە ئۇنى نازارەت قىلىشقا باشلىغان. ئالدى بىلەن ساقچى تارماقلىرى ئۇنى ئىزچىل ھالدا سوراق قىلىپ، ئارزىگۈل تۇرسۇن مەسىلىسىنى چەتئەلگە ئاشكارىلىغان كىشىنى تېپىپ بېرىشكە قىستىغان، يەنە بىر تەرەپتىن، يېزىلىق ھۆكۈمەت تارماقلىرى ئۇنىڭغا ئۆچ ئېلىش شەكلىدە مۇئامىلە قىلىپ، نورمال دېھقانچىلىق پائالىيەتلىرىنى دەخلىگە ئۇچراتقان. بولۇپمۇ ئۇنىڭ يەر - مۆلۈك ھوقۇقىغا دەخلى - تەرۈز قىلىشقا باشلىغان.

بۇ يىل يازدا، دادامتۇ يېزىسىنىڭ ئارادادامتۇ كەنتىدە يەر ماجىراسى يۈز بېرىپ، ئارادادامتۇ ئاياللىرى ھۆكۈمەت دائىرىلىرىگە كوللىكتىپ قارشىلىق كۆرسەتكەندە، دائىرىلەر، تۇرسۇنجان ھەسەننى مەزكۇر ۋەقەنى قۇتراتتى دەپ گۇمان قىلغان.

ئىگىلىشىمىزچە، تۇرسۇنجان ھەسەن قولغا ئېلىنىشتىن ئاۋۋال ئائىلىسىگە، ئۇنىڭ دۆلەتنى پارچىلاشقا ئۇرۇنۇش جىنايىتى بىلەن گۇمانلىق ئىكەنلىكى ھەققىدە ئۇقتۇرۇش بېرىلگەن. مەلۇم بولۇشىچە، ئۇ نۆۋەتتە يېڭىھايات تۈرمىسىدە قاماقتا، ئۇ، 11 ‏- ئاي ئىچىدە ئېچىلىدىغان سوت ھۆكۈمىنى كۈتمەكتە.

تۇرسۇنجان ھەسەننىڭ كونكرېت نىمە ۋەقە سەۋەبلىك قولغا ئېلىنغانلىقى ھەققىدە نۆۋەتتە ھۆكۈمەت تارماقلىرىمۇ، ئائىلە - تاۋاباتىمۇ جاۋاب بېرىشنى رەت قىلماقتا.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

پىكىر

Anonymous
Oct 29, 2009 03:18 PM

ﺋﯩﺘﻤﯘ ﯲﻟﯩﺪﯨﻐﺎﻥ ﭼﯧﻐﯩﺪﺍ ﺑﻪﻙ ﻗﺎﯞﺍﻳﺪﯗ، ﺧﯩﺘﺎﻳﻼﺭﻧﯩﯖﻤﯘ ﻛﯜﻧﻰ ﯪﺯ ﻗﺎﻟﺪﻯ.

Anonymous
Oct 30, 2009 01:15 AM

ﻣﻪﻥ ﻳﯘﻗﯧﺮﺩﯦﻜﯥ ﯻﻜﻜﻰ ﻛﯧﺮﯦﻨﺪﯨﺸﻤﻐﺎ ﻛﻮﺷﯩﻠﯩﻤﻪﻥ

Anonymous
Oct 29, 2009 08:26 PM

ﺑﯩﺰﻧﯩﯔ ﯬﯓ ﺩﻩﻫﺸﻪﺗﻠﯩﻖ ﯪﺟﯩﺰﻟﯩﻘﯩﻤﯩﺰ ﯪﺷﯘﻧﺪﺍﻕ ﺗﯚﯞﻩﻧﺪﯨﻜﻰ ﺧﯧﺘﺎﻳﻨﯩﯔ ﻳﺎﻻﻗﭽﯩﻠﯩﺮﻯ .ﻫﺎﻣﺎﻥ ﺑﯩﺮ ﻛﯜﻥ ﺑﯘ ﺟﺎﻫﺎﻟﻪﺗﻨﯩﯔ ﭼﻮﻣﺎﻗﭽﯩﻠﯩﺮﻯ ﺩﺍﺭﻏﺎ ﺋﯧﺴﯩﻠﯩﺪﯗ .

Anonymous
Oct 29, 2009 04:51 PM

ﺧﯩﺘﺎﻳﻼﺭ ﺑﯩﺰﻧﻰ ﻫﻪﺭﮔﯩﺰ ﻗﻮﺭﻗﯘﺗﺎﻟﻤﺎﻳﺪﯗ. ﺑﯩﺮ ﺗﯘﺭﺳﯘﻧﺠﺎﻥ ﺗﯘﺗﯘﻟﺴﺎ ﯮﻥ ﺗﯘﺭﺳﯘﻧﺠﺎﻥ ﻗﻮﺯﻏﯩﻠﯩﺪﯗ. ﺧﯩﺘﺎﻳﻐﺎ ﺧﻮﺷﺎﻣﻪﺕ ﻗﯩﻠﯩﭗ ﯰﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻨﻰ ﺗﯘﺗﯘﭖ ﺑﯧﺮﯨﯟﺍﺗﻘﺎﻥ ﺧﺎﺋﯩﻨﻼﺭ ﻫﻪﻡ ﯰﻳﻐﯘﺭ ﻛﯩﻤﻠﯩﻜﻰ ﯴﭼﯜﻥ ﯪﺗﻼﻧﻤﯩﺴﺎ ﯪﺧﯩﺮﻯ ﺧﯩﺘﺎﻳﻨﯩﯔ ﻗﻮﻟﯩﺪﺍ ﯲﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﯩﺸﻰ ﻛﯧﺮﻩﻙ.

Anonymous
Oct 30, 2009 08:25 PM

ﻣﻪﺯﻛﯘﺭ ﯞﻩﻗﻪ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﺮﯨﻨﯩﯔ ﯰﻳﻐﯘﺭ ﭘﺎﯪﻟﯩﻴﻪﺗﭽﯩﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺯﯨﺮﯨﻠﻪﺭﺩﻩ ﯰﻳﻐﯘﺭﻻﺭﺩﺍ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﻴﺘﯩﺪﻩ ﺑﻪﻟﮕﯩﻠﯩﻚ ﺩﻩﺭﯨﺠﯩﺪﻩ ﯬﺭﻛﯩﻨﻠﯩﻚ ﺑﺎﺭ ﺩﻩﻳﺪﯨﻐﺎﻥ ﺳﻪﭘﺴﻪﺗﯩﻠﯩﺮﯨﻨﻰ ﺗﯘﯞﺍﻗﻼﻳﺪﯨﻐﺎﻥ ﯬﻣﯩﻠﯩﻲ ﭘﺎﻛﯩﺘﻠﯩﻖ ﻧﯘﻗﺘﯩﺪﯗﺭ. ﻣﻪﺯﻛﯘﺭ ﯞﻩﻗﻪﻧﯩﯔ ﺗﻪﭘﺴﯩﻼﺗﯩﻐﺎ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻥ ﻛﯩﺸﯩﻠﻪﺭﺩﯨﻦ ﺑﯩﺮﻯ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ، ﻣﻪﺯﻛﯘﺭ ﯞﻩﻗﻪﻧﯩﯔ ﻛﻪﻟﮕﯜﺳﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭﻧﻰ ﺩﺍﯞﺍﻣﻠﯩﻖ ﻣﻪﺯﻛﯘﺭ ﺑﯩﻜﻪﺗﺘﻪ ﻛﯚﺭﯛﺷﻨﻰ ﯴﻣﯩﺪ ﻗﯩﻠﯩﻤﻪﻥ.

Anonymous
Nov 03, 2009 12:15 PM

ﺑﯘ ﯬﺳﻜﻰ ﺧﯩﺘﺎﻳﻼﺭ ﻫﺎﻣﺎﻥ ﺑﯩﺮ ﻛﯜﻧﻰ ﺑﯧﺸﯩﻨﻰ ﻳﻪﻳﺪﯗ.
ﻫﻪﻗﯩﻘﻪﺕ ﯲﻟﻤﻪﻳﺪﯗ ﺳﯘﻧﻤﺎﻳﺪﯗ ﺩﻩﻳﺪﯗ،
ﯰﻧﯖﻐﺎ ﭼﺎﯓ ﺗﯘﺯﺍﯓ ﻛﻮﻧﻤﺎﻳﺪﯗ ﺩﻩﻳﺪﯗ.
ﻟﯩﻜﻦ ﯰ ﯻﮕﻠﯩﭗ ﺗﯜﺯﯨﻠﮕﯩﭽﻪ ،
10000 ﻧﻰ ﯴﻟﺘﯜﺭﯗﭖ 100،000 ﻧﻰ ﻳﻪﻳﺪﯗ.

Anonymous
Oct 29, 2009 08:18 PM

ﺧﯩﺘﺎﻱ ﻫﻪﺭ ﻗﯩﺘﯩﻢ ﻣﯘﺷﯘﻧﺪﺍﻕ ﻗﯩﻠﯩﺪﯗ .ﯞﺍﻗﯩﺖ ﯮﺗﻜﯘﺯﯗﭖ ﯮﭺ ﯻﻠﯩﺶ ﺑﯘﻻﺭﻧﯩﯔ ﺑﯩﺮ ﯮﺳﯘﻟﻰ .ﯞﺍﯓ ﻗﺎﺗﺎﺭﻟﯩﻖ ﺑﺎﻳﻠﯩﻖ ﺗﺎﻻﻥ ﺗﺎﺭﺍﺝ ﻗﯩﻠﺪﯨﻐﺎﻧﻼﺭ ﺑﯘﻧﺪﺍﻕ ﭘﯘﺭﺳﻪﺗﺘﻪ ﮔﯘﻣﺎﻧﻠﯩﻖ ﯪﺩﻩﻡ ﺗﯘﺗﯘﻕ ﺩﻩﭖ ﺑﯘﻻﯕﭽﯩﻠﯩﻖ ﻗﯩﻠﯟﺍﺗﯩﺪﯗ.